ନୂଆଦିଲ୍ଲୀ,୧୯।୧୧: ଦେଶର ପ୍ରମୁଖ ଫାର୍ମା କମ୍ପାନୀ ଏନ୍ଟୋଡ୍ ଫାର୍ମାସ୍ୟୁଟିକାଲ ସହ ଷ୍ଟ୍ରାବିଜିମସ ମିଳିତ ଭାବେ ଏନ୍ଟୋଡ୍ ଚକ୍ଷୁ ସ୍ବାସ୍ଥ୍ୟ ଫାଉଣ୍ଡେଶନ ଜରିଆରେ ଏକ ମାୟୋପିଆ ସଚେତନତା ସପ୍ତାହ ପରିଚାଳନା କରୁଛି। ଏ ସମ୍ପର୍କରେ ଏନ୍ଟୋଡ୍ ଫାର୍ମାସ୍ୟୁଟିକାଲର ସିଇଓ ନିଖିଲ କେ. ମାସୁରକର କହିଛନ୍ତି, ଭାରତରେ ମାୟୋପିଆ ଏକ ଗୁରୁତର ସମସ୍ୟା ପାଲିଟିଛି। ଏପରିକି ଠିକ୍ ଭାବେ ଏହାର ପ୍ରତିକାର କରା ନ ଗଲେ ଏହା ଗୁରୁତର ହୋଇପାରେ। ଆଉ ମଧ୍ୟ କୋଭିଡ୍-୧୯ର ପ୍ରଭାବ ଯୋଗୁ ମାୟୋପିଆ ସଂଖ୍ୟା ବୃଦ୍ଧି ହୋଇଛି। ସାରା ଭାରତରୁ ୫୦୦୦ରୁ ଅଧିକ ପିଲାଙ୍କୁ ଲକ୍ଷ୍ୟ କରି ଏକ ସପ୍ତାହବ୍ୟାପୀ ଅଭିଯାନ ସହ ଆମେ ଏହା ହାସଲ କରିବାକୁ ଲକ୍ଷ୍ୟ ରଖିଛୁ। ସେହିଭଳି କେବଳ ଭୁବନେଶ୍ୱରରେ ନୁହେଁ, ସାରା ଦେଶରେ ମଧ୍ୟ ପିଲାମାନଙ୍କଠାରେ ବଢୁଥିବା ମାୟୋପିଆ ସମସ୍ୟା ଏକ ପ୍ରମୁଖ ଚକ୍ଷୁରୋଗରେ ପରିଣତ ହୋଇଛି। ଏହା ମୁଖ୍ୟତଃ ଇନ୍ଡୋର ରହଣି, ସ୍କ୍ରିନ୍ ସମୟ ଓ ବାହ୍ୟ କାର୍ଯ୍ୟରୁ ଦୂରେଇ ରହିବା ହେତୁ ଘଟୁଛି। ତେଣୁ ଆଖିର ଯତ୍ନ ପାଇଁ ଆଖି ଉପରେ କମ୍ ଚାପ ଦେବା ଯଥା ମୋବାଇଲ, ଲାପ୍ଟପ୍, ଟିଭି ଓ ବୈଦ୍ୟୁତିକ ଉପକରଣ ବ୍ୟବହାରକୁ ସୀମିତ ରଖିବା ଆବଶ୍ୟକ। ଏହି ନୂଆ ମହାମାରୀକୁ ରୋକିବା ପାଇଁ ପିତାମାତାଙ୍କୁ ମାର୍ଗଦର୍ଶନ କରିବାକୁ ଚାହୁଁ ବୋଲି ଶିଶୁ ଚକ୍ଷୁ ଚିକିତ୍ସା ଏଲ୍ଭିପିଇଆଇ ହାଇଦ୍ରାବାଦର ପେଡିଆଟ୍ରିକ ଅପ୍ଥାଲମୋଲୋଜିରେ ଫେଲୋଶିପ ଓ ଓମ୍ ନେତ୍ର ମନ୍ଦିର ଭୁବନେଶ୍ୱରର ପରାମର୍ଶଦାତା ଡା. ନବନିତ ଗୁପ୍ତା କହିଛନ୍ତି।