ସମୁଦ୍ରକୂଳରେ ଜୀବଜନ୍ତୁଙ୍କ ମରଶରୀର ପଡ଼ିରହିବା ଦେଖିବାକୁ ମିଳିଥାଏ। ହେଲେ ବ୍ରିଟେନ୍ର ଏନ୍ସଡେଲ୍ ସମୁଦ୍ରକୂଳରେ ଏକ ରହସ୍ୟମୟ ଜୀବର ମୃତଦେହ ଦେଖାଯାଇଛି। ଏହାକୁ ନେଇ ସେଠାରେ ଭୟର ବାତାବରଣ ଖେଳିଯାଇଥିଲା। ଜୀବଟି ୧୫ଫୁଟ ଲମ୍ବା ରହିଥିଲା।
ଜୁଲାଇ ୨୯ ତାରିଖରେ ଜଣେ ବ୍ୟକ୍ତି ଏହି ରହସ୍ୟମୟୀ ଜୀବକୁ ପ୍ରଥମେ ଦେଖିଥିଲେ। ସେ କହିଛନ୍ତି ଯେ, ଜୀବର ୪ଟି ଗୋଡ଼ ରହିଥିଲା, ଯାହାକି ବହୁତ ଅଦ୍ଭୁତ ଦେଖାଯାଉଥିଲା। ଏହାର ଲମ୍ବ ପ୍ରାୟ ୧୫ ଫୁଟ ଥିଲା ଏବଂ ଚାରିଆଡେ ହାଡ ଲାଗିି ରହିଥିଲା, ସେମାନଙ୍କ ମଧ୍ୟରେ ପ୍ରାୟ ଚାରି ଫୁଟ ଲମ୍ବର ଏକ ଷ୍ଟଙ୍କ ମଧ୍ୟ ଥିଲା।
ତାଙ୍କୁ ଏପରି ଲାଗୁଥିଲା ଯେ, ଜନ୍ମଦେବା ସମୟରେ ଉକ୍ତ ଜୀବଟିର ମୃତ୍ୟୁ ଘଟିଛି। ସେ ଏନେଇ କହିବା ପରେ ତାକୁ ଉଦ୍ଧାର କରାଯାଇଥିଲା। ଏବେ ଏହାର କିଛି ଫଟୋ ଭାଇରାଲ ହେଉଛି। ଇଂଲଣ୍ଡର ବରିଷ୍ଠ ଉପଦେଷ୍ଟା ଷ୍ଟିଫେନ ଏଲିଫ ଏହି ବିଷୟରେ କହିଛନ୍ତି ଯେ ଜୀବଟିକୁ ଚିହ୍ନଟ କରାଯାଇପାରୁନାହିଁ। ଜୀବର ଶରୀର ନଷ୍ଟ ହୋଇଯାଇଥିଲା ଏବଂ କାଦୁଅରେ ଲଟପଟ ହୋଇଯାଇଥିଲା।
