Children look on as another receives a dose of the Pfizer-BioNTech coronavirus disease (COVID-19) vaccine at Smoketown Family Wellness Center in Louisville, Kentucky, U.S., November 8, 2021. REUTERS/Jon Cherry
ଜେନେଭା,୩ ।୫: ସାରା ବିଶ୍ୱରେ ୨୦ରୁ ଅଧିକ ଦେଶରେ ୨୦୦ରୁ ଊର୍ଦ୍ଧ୍ୱ ଶିଶୁ ଲିଭର ସମସ୍ୟାରେ ପୀଡିତ ହେବା ଚିନ୍ତାର କାରଣ ପାଲଟି ଯାଇଛି । ଆକ୍ରାନ୍ତ ଶିଶୁଙ୍କ ମଧ୍ୟରେ ସବୁଠାରୁ ଅଧିକ ୟୁରୋପୀୟ ଦେଶର ବୋଲି ଜଣାପଡିଛି । ଏଥିମଧ୍ୟରୁ କେବଳ ବ୍ରିଟେନରେ ୧୦୦ରୁ ଅଧିକ ଶିଶୁ ରହିଛନ୍ତି ।
ପୀଡ଼ିତ ଶିଶୁଙ୍କ ବୟସ ଶୂନ୍ୟରୁ ୧୭ ବର୍ଷ ମଧ୍ୟରେ ବୋଲି କୁହାଯାଉଛି । ଆମେରିକାର ଅଲବାମାରେ ୯ ଜଣ ଶିଶୁ ଏଭଳି ରୋଗରେ ଆକ୍ରାନ୍ତ ହୋଇଛନ୍ତି । ଏବେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚଓ) ଏହାକୁ ନେଇ ଚିନ୍ତା ପ୍ରକଟ କରିଛି । ଯେତେବେଳେ ଏପ୍ରିଲ ଶେଷ ସପ୍ତାହ ବେଳକୁ ସ୍କଟଲାଣ୍ଡରେ ଏକାଥରେ ୧୦ ଶିଶୁ ରୋଗଗ୍ରସ୍ତ ହୋଇଯାଇଥିଲେ ସେତେବେଳେ ଡବ୍ଲୁଏଚଓ ଏହାକୁ ଗମ୍ଭିରତାର ସହ ନେଇଥିଲା ।
ତେବେ ରୋଗଗ୍ରସ୍ତ ଶିଶୁଙ୍କର ଲିଭର ଶୀଘ୍ର ଆକ୍ରାନ୍ତ ହେଉଥିବା କୁହାଯାଉଛି । ଏମିତିକି ୨୦ ଜଣ ଶିଶୁଙ୍କର ଲିଭର ଟ୍ରାନ୍ସପ୍ଲାଣ୍ଟ କରାଯାଇଛି । ହେଲେ ଲିଭର ଅକାମୀ ହେବା ଫଳରେ ଜଣେ ଶିଶୁଙ୍କ ମୃତ୍ୟୁ ହୋଇଛି । ମାତ୍ର ୧୦ ପ୍ରତିଶତଙ୍କ କ୍ଷେତ୍ରରେ ଲିଭର ଟ୍ରାନ୍ସପ୍ଲାଣ୍ଟ କରିବାର ଆବଶ୍ୟକତା ପଡୁଛି ।