ନୂଆଦିଲ୍ଲୀ, ୨୯।୮ : ଭାରତୀୟ ଜନତା ପାର୍ଟି ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରକାଶ ନଡ୍ଡା ୨୦୨୪ ଲୋକସଭା ନିର୍ବାଚନ ପର୍ଯ୍ୟନ୍ତ ଦଳର ଦାୟିତ୍ୱ ଗ୍ରହଣ କରିପାରନ୍ତି। ତେବେ ଆନୁଷ୍ଠାନିକ ଭାବେ ଏହା ବିଷୟରେ କିଛି କୁହାଯାଇ ନାହିଁ। ତାଙ୍କର ବର୍ତ୍ତମାନର କାର୍ଯ୍ୟକାଳ ଜାନୁଆରୀ ୨୦୨୩ ରେ ଶେଷ ହେବ। ଏବେ ଚର୍ଚ୍ଚା ହେଉଛି ଦଳ ତାଙ୍କର କାର୍ଯ୍ୟକାଳକୁ ଏକ ବର୍ଷ ବଢ଼ାଇପାରେ। ଅନୁମାନ କରାଯାଉଛି ଯେ ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ପରେ ଏହି ପଦ ଗ୍ରହଣ କରିପାରନ୍ତି।
ଗଣମାଧ୍ୟମ ରିପୋର୍ଟ ସୂତ୍ରରୁ ପ୍ରକାଶ ଯେ ନଡ୍ଡା ୨୦୨୪ ପର୍ଯ୍ୟନ୍ତ ପାର୍ଟି ମୁଖ୍ୟ ଭାବରେ କାର୍ଯ୍ୟ କରିପାରନ୍ତି। ସୂତ୍ରରୁ ପ୍ରକାଶ ଯେ ଏହା ସମ୍ଭାବ୍ୟ କାରଣ ହେଉଛି ନଡ୍ଡା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ସମ୍ପର୍କ ଭଲ ଏବଂ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ସହ ତାଙ୍କର କାର୍ଯ୍ୟର ମଧ୍ୟ ଭଲ ହିସାବ ରହିଛି। ବର୍ତ୍ତମାନ ସୁଦ୍ଧା ତାଙ୍କୁ ଦ୍ୱିତୀୟ ଥର ଲାଗି ଅଧ୍ୟକ୍ଷ ପଦରେ ନିଯୁକ୍ତ କରାଯିବ କି ନାହିଁ ତାହା ମଧ୍ୟ ସ୍ପଷ୍ଟ ହୋଇନାହିଁ।
୨୦୧୨ ରେ ସଂଶୋଧନ ପରେ,ଭାଜପାର ସମସ୍ତ ଯୋଗ୍ୟ ସଦସ୍ୟ ଲଗାତାର ଦୁଇ ଥର ଅଧ୍ୟକ୍ଷ ପଦରେ ରହିପାରିବେ ବୋଲି ଦଳର ସମ୍ବିଧାନରେ ସଂଶୋଧନ ହୋଇଥିଲା। ଏହାପୂର୍ବରୁ ଦଳର ଅଧ୍ୟକ୍ଷମାନେ ଗୋଟିଏ କାର୍ଯ୍ୟକାଳ ପାଇଁ ପ୍ରସ୍ତୁତ ହୋଇଥିଲେ। କୁହାଯାଏ ଯେ ତତ୍କାଳୀନ ଦଳର ସଭାପତି ନୀତିନ ଗଡକରୀଙ୍କୁ ଦ୍ୱିତୀୟ ଧର ଦାୟିତ୍ୱ ହସ୍ତାନ୍ତର କରିବାକୁ ଏହି ସଂଶୋଧନ କରାଯାଇଥିଲା।
