ମୁମ୍ବାଇ: ସାଉଥ୍ ଅଭିନେତ୍ରୀ ସାମନ୍ଥା ରୁ୍ଥ୍ ପ୍ରଭୁ ତେଲୁଗୁ ଚଳଚ୍ଚିତ୍ର ‘ୟେ ମାୟା ଚେସାବେ’ରୁ ଅଭିନୟ ଜୀବନ ଆରମ୍ଭ କରିଥିଲେ। ଏହି ଚଳଚ୍ଚିତ୍ର ରିଲିଜ୍ ହେବାର ୧୩ ବର୍ଷ ପୂରଣ ହୋଇଛି। ଚଳଚ୍ଚିତ୍ରରେ ସେ ନାଗା ଚୈତନ୍ୟ ମଧ୍ୟ ଥିଲେ। ଦୁହେଁ ପ୍ରଥମ ଥର ପାଇଁ ଏହି ଚଳଚ୍ଚିତ୍ର ମାଧ୍ୟମରେ ଦର୍ଶକଙ୍କ ହୃଦୟ ଜିତିଥିଲେ। ଏହି ଚଳଚ୍ଚିତ୍ରଟି ଏବେ ୧୩ ବର୍ଷ ପୂରଣ କରିଛି, ଯେଉଁଥିରେ ନାଗା ଚୈତନ୍ୟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମ ସହ ଜଡିତ କିଛି ଫଟୋ ଶେୟାର କରି ପୁରୁଣା ସ୍ମୃତିକୁ ତାଜା କରିଛନ୍ତି। ତେବେ ଏହି ଚଳଚ୍ଚିତ୍ର ପରେ ମଧ୍ୟ ଏହି ଯୋଡି ଅନେକ ଫିଲ୍ମରେ ଏକାଠି କାମ କରିଛନ୍ତି।
ନାଗା ତାଙ୍କ ଆଗାମୀ ତାମିଲ-ତେଲୁଗୁ ଚଳଚ୍ଚିତ୍ର ‘କଷ୍ଟୋଡି’ ପାଇଁ ବ୍ୟସ୍ତ ଅଛନ୍ତି। ଅନ୍ୟପଟେ, ସାମନ୍ଥା ଆଜିକାଲି ‘ସିଟାଡେଲ’ ଇଣ୍ଡିଆ ପାଇଁ ଶୁଟିଂରେ ମଧ୍ୟ ବ୍ୟସ୍ତ ରହୁଛନ୍ତି। ଏଥିରେ ଅଭିନେତ୍ରୀ ପ୍ରଥମ ଥର ପାଇଁ ବରୁଣ ଧାୱନଙ୍କ ସହ ସ୍କ୍ରିନ ଶେୟାର କରୁଥିବା ଦେଖିବାକୁ ମିଳିବ। ସାମନ୍ଥାଙ୍କ ଚଳଚ୍ଚିତ୍ର ‘ଶକୁନ୍ତଳମ’ ରିଲିଜ ପାଇଁ ପ୍ରସ୍ତୁତ ହେଉଛି।