ବଡ଼ମ୍ବା, ୨୮ା୧୧(ଡି.ଏନ୍.ଏ.): ବଡମ୍ବା ରାଜବାଟୀସ୍ଥିତ ଜଗନ୍ନାଥଙ୍କର ଶୁକ୍ରବାର ନାଗାର୍ଜୁନ ବେଶ ଅନୁଷ୍ଠିତ ହୋଇଯାଇଛି। ଏହି ବେଶ ପ୍ରଥମଥର ଲାଗି ରାଜବାଟୀରେ ହୋଇଥିବାରୁ ସ୍ଥାନୀୟ ଅଞ୍ଚଳରେ ଆନନ୍ଦର ଲହରୀ ଖେଳିଯାଇଛି। କୋଭିଡ୍ କଟକଣା ମଧ୍ୟରେ କେତେଜଣ ଭକ୍ତ ନାଗାର୍ଜୁନ ବେଶ ଦର୍ଶନ କରିଛନ୍ତି। ବେଶ ସମୟରେ ବଡମ୍ବା ରାଜା ତ୍ରିବିକ୍ରମ ଚନ୍ଦ୍ର ବୀରବର ମଙ୍ଗରାଜ ମହାପାତ୍ର, ଢେଙ୍କାନାଳ ରାଜା ବିଗ୍ରେଡିଅର କେ.ପି. ସିଂହଦେଓ, ବଡମ୍ବା କୁମାର ସାହେବ ତ୍ରିଭୁବନ ଚନ୍ଦ୍ର ଦେବ, ଢେଙ୍କାନାଳ କୁମାର ସାହେବ ଆର୍.ପି. ସିଂହଦେଓ, ମଣ୍ଡସା କୁମାର ସାହେବ ବି.କେ. ସିଂହଦେଓ, ଢେଙ୍କାନାଳ ରାଣୀ ସାବିତ୍ରୀ ଦେବୀ, ବଡମ୍ବା ରାଣୀ ଅର୍ଚ୍ଚନା କୁମାରୀ ଦେବୀ, ଜରଡା ରାଣୀ କିରଣ ଦେବୀ, କୁମାରାଣୀ ସଙ୍ଗୀତା ସିଂହଦେଓ, ଜେମା ସସ୍ମିତା ଦେବୀ, କୁମାର ବୀରବିକ୍ରମ ଦେବ, କୁମାର ନୀଳାଦ୍ରି ବିକ୍ରମ ଦେବ, ପଟ୍ଟୋତୁଣୀ ମନୋଜ ମଞ୍ଜରୀ ଦେବୀ, କୁମାରାଣୀ ଜ୍ୟୋତି ସିଂହଦେଓ ପ୍ରମୁଖ ଉପସ୍ଥିତ ଥିଲେ। ସେହିପରି ତାଳମୁଣ୍ଡଳିସ୍ଥିତ ତୃତୀୟାଦେବଙ୍କ ନାଗାର୍ଜୁନ ବେଶ ହୋଇଯାଇଛି।