ସାଉଥ ସୁପରଷ୍ଟାର ନାଗାର୍ଜୁନ ରିଆଲିଟି ଶୋା ବିଗ ବସ ତେଲୁଗୁ ୭ର ହୋଷ୍ଟ କରିବାକୁ ଯାଉଛନ୍ତି। ଶୋ’ର ପ୍ରୋମୋ ସାମ୍ନାକୁ ଆସିଛି। ଏହି ପ୍ରୋମୋରେ ବିଜୟ ଦେବରାକୋଣ୍ଡା ତାଙ୍କ ଫିଲ୍ମ ‘କୁଶି’ର ପ୍ରମୋଶନ ପାଇଁ ଶୋ’ର ପ୍ରିମିୟରରେ ପହଞ୍ଚି ଥିବାର ଦେଖାଯାଇଛି। ଏହି ସମୟରେ ନାଗାର୍ଜୁନ ତାଙ୍କ ପୁଅ ନାଗା ଚେତୈନଙ୍କର ପୂର୍ବତନ ସ୍ତ୍ରୀ ସାମନ୍ଥା ରୁଥ୍ ପ୍ରଭୁଙ୍କ ବିଷୟରେ ପଚାରୁଥିବାର ନଜର ଆସିଥିଲେ।
ଶୋ’ର ପ୍ରୋମୋରେ ଏହା ଦେଖିବାକୁ ମିଳେ ଯେ, ବିଜୟ ଦେବରାକୋଣ୍ଡା ମଞ୍ଚରେ ପ୍ରବେଶ କରିବା ମାତ୍ରେ ନାଗାର୍ଜୁନ ତାଙ୍କୁ ପଚାରନ୍ତି ତୁମେ କାହିଁକି ଏକୁଟିଆ ଆସିବାକୁ ସ୍ଥିର କଲ, ସାମନ୍ଥା କାହାନ୍ତି? ଏହା ଉପରେ ବିଜୟ କହିଥିଲେ ଯେ, ସାମନ୍ଥା ସ୍ବାସ୍ଥ୍ୟ କାରଣରୁ ଆମେରିକାରେ ଅଛନ୍ତି।
ବିଜୟ ଦେବରାକୋଣ୍ଡା ନିକଟରେ ରିଲିଜ ହୋଇଥିବା ଚଳଚ୍ଚିତ୍ର ‘କୁଶି’ର ପ୍ରମୋସନ ପାଇଁ ବିଗ ବସ ତେଲୁଗୁ ୭ର ପ୍ରିମିୟରରେ ପହଞ୍ଚିଥିଲେ। ଏହି ସମୟରେ ସେ ତାଙ୍କ ଚଳଚ୍ଚିତ୍ରର ଗୀତରେ ମଧ୍ୟ ନାଚୁଥିଲେ। ଏହି ଚଳଚ୍ଚିତ୍ରରେ ସାମନ୍ଥା ତାଙ୍କ ସହ ମୁଖ୍ୟ ଭୂମିକାରେ ନଜର ଆସିଛନ୍ତି।
ସାମନ୍ଥା ନାଗାର୍ଜୁନଙ୍କ ବୋହୂ ଥିଲେ। ନାଗାର୍ଜୁନଙ୍କ ପୁଅ ନାଗା ଚୈତନ୍ୟ ଏବଂ ସାମନ୍ଥା ବିବାହ କରିଥିଲେ। ବିବାହର ୪ ବର୍ଷ ପରେ ୨୦୨୧ରେ ଦୁହେଁ ଛାଡପତ୍ର ନେଇଥିଲେ।