ଅମରପାଲି,୧୨ା୩(ଡି.ଏନ.ଏ.): ରାଜ୍ୟରେ ସମସ୍ତ ପଞ୍ଚାୟତର ନିର୍ବାଚିତ ସରପଞ୍ଚମାନେ କାର୍ଯ୍ୟଭାର ଗ୍ରହଣ କରିବା ପରେ ଶୁକ୍ରବାର ନାଏବ ସରପଞ୍ଚ ନିର୍ବାଚନ ପ୍ରକ୍ରିୟା ଶେଷ ହୋଇଛି। ବୀରମହାରାଜପୁର ବ୍ଲକର ୧୫ ଗୋଟି ପଞ୍ଚାୟତରୁ କେବଳ ଖଣ୍ଡହତା ପଞ୍ଚାୟତରେ ନାଏବ ସରପଞ୍ଚ ନିର୍ବାଚନ ହୋଇନାହିଁ । ନିର୍ବାଚନ ପାଇଁ ଆବଶ୍ୟକ ସଂଖ୍ୟକ ଓ୍ବାର୍ଡ ସଭ୍ୟାସଭ୍ୟ ଅନୁପସ୍ଥିତ ରହିବାରୁ ଖଣ୍ଡହତା ପଞ୍ଚାୟତରେ ନାଏବ ସରପଞ୍ଚ ନିର୍ବାଚନ ହୋଇ ନ ଥିବା ଜଣାଯାଇଛି।
୧୪ ପଞ୍ଚାୟତର ନାଏବ ସରପଞ୍ଚଙ୍କ ନାମ ଘୋଷଣା କରିଛନ୍ତି ବ୍ଲକ ନିର୍ବାଚନ ଅଧିକାରୀ । ଉଫୁଳା ପଞ୍ଚାୟତରୁ କମଳନୀ ମହାପାତ୍ର, ଚମ୍ପାମାଳରୁ ଚନ୍ଦ୍ରମା ପାଢୀ, ବାଗବରରୁ ପ୍ରଭାତି ମେହେର, ଜଟେସିଙ୍ଘାରୁ ପ୍ରମିଳା ଭୋଇ, ସୁବଳୟାରୁ ଜୟନ୍ତି ମେହେର, ପିତାମହୁଳରୁ ଉମାକାନ୍ତି ମହଳା, ମୃଷୁଣ୍ଢି ରୁ ବାସନ୍ତି ପଧାନ, ଲୁତୁରପଙ୍ଗରୁ ମମତା ପଧାନ, ବହଳପଦରରୁ ଅନନ୍ତ ପର୍ଡିଆ, ଦୁର୍ଜନତୈଳାରୁ ସୁରେନ୍ଦ୍ର ପଧାନ, ହିଲୁଙ୍ଗରୁ ସଞ୍ଜିତ କର୍ଣ୍ଣ, କମିରାରୁ ଦୁଃଶାସନ ପଧାନ, କେନଝରିଆପାଲିରୁ ଜୟରାମ ବିଶି, ସଂଗ୍ରାମପୁରରୁ ପୀତବାସ ମହାକୁର ନାଏବ ସରପଞ୍ଚ ଭାବେ ନିର୍ବାଚିତ ହୋଇଛନ୍ତି ।
