ନୂଆଦିଲ୍ଲୀ, ୧୧।୯ : ପାଞ୍ଚରୁ ୧୮ ବର୍ଷ ବୟସ୍କ ପିଲାମାନଙ୍କ ପାଇଁ ନାଜାଲ କରୋନା ଭାକ୍ସିନ ମଧ୍ୟ ଉପଲବ୍ଧ ହେବ। ଏନେଇ ତୃତୀୟ ପର୍ଯ୍ୟାୟ ଅଧ୍ୟୟନ ପାଇଁ ଭାରତ ବାୟୋଟେକ ଭାରତୀୟ ଡ୍ରଗ ନିୟନ୍ତ୍ରକଙ୍କଠାରୁ ଅନୁମତି ଲୋଡିଛି। ଉଲ୍ଲେଖନୀୟ କଥା ହେଉଛି, ସେପ୍ଟେମ୍ବର ୬ ରେ, ଡ୍ରଗ କଣ୍ଟ୍ରୋଲର୍ ଜେନେରାଲ ଅଫ ଇଣ୍ଡିଆ (ଡିସିଜିଆଇ) ୧୮ ବର୍ଷରୁ ଅଧିକ ବୟସ୍କଙ୍କ ପାଇଁ ଇଣ୍ଟ୍ରାନାସାଲକୋଭିଡ ଟିକା ଇନକୋଭାକକୁ ଜରୁରୀକାଳୀନ କ୍ଷେତ୍ରରେ ବ୍ୟବହାର ଲାଗି ମଞ୍ଜୁରୀ ଦେଇଛନ୍ତି।
ସରକାରୀ ସୂତ୍ର ଅନୁଯାୟୀ, ଭାରତ ବାୟୋଟେକ ବର୍ତ୍ତମାନ ପାଞ୍ଚରୁ ୧୮ ବର୍ଷ ବୟସ୍କଙ୍କ ପର୍ଯ୍ୟନ୍ତ ଇନକୋଭାକର ସୁରକ୍ଷା, ପ୍ରତିକ୍ରିୟାଶୀଳତା ଏବଂ ପ୍ରତିରୋଧକ୍ଷମତାର ମୂଲ୍ୟାଙ୍କନ କରିବାକୁ ତୃତୀୟ ପର୍ଯ୍ୟାୟ ଅନୁମତି ପାଇଁ ଆବେଦନ କରିଛି।
ଭାରତ ବାୟୋଟେକ ଦ୍ୱାରା ଜାରି ହୋଇଥିବା ସୂଚନା ଅନୁଯାୟୀ, ନାଜାଲ ଟିକା ବର୍ତ୍ତମାନ ପର୍ଯ୍ୟନ୍ତ ବ୍ୟବହୃତ ହେଉଥିବା ଅନ୍ୟ ଟିକାଠାରୁ ସମ୍ପୂର୍ଣ୍ଣ ଭିନ୍ନ ଏବଂ ପ୍ରଭାବଶାଳୀ। କିଛି ଜିନିଷ ଏହାକୁ ସ୍ବତନ୍ତ୍ର କରିଥାଏ।
ଯେହେତୁ ଏହି ଟିକା ନାକ ମାଧ୍ୟମରେ ଦିଆଯାଏ, ନାକ ଭିତରେ ଥିବା ପ୍ରତିରକ୍ଷା ପ୍ରଣାଳୀ ଭୂତାଣୁ ପ୍ରବେଶ କରିବା ମାତ୍ରେ ଏହାକୁ ନିଷ୍କ୍ରିୟ କରିଦିଏ ।
ବର୍ତ୍ତମାନ ଦିଆଯାଉଥିବା ଟିକା ତୁଳନାରେ ଏହା ବିନା ଛୁଞ୍ଚିରେ ଦିଆଯିବ।
ଏହା ବ୍ୟବହାର କରିବା ମଧ୍ୟ ସହଜ, ଏହାକୁ ଘରେ ମଧ୍ୟ ବ୍ୟବହାର କରାଯାଇପାରିବ। ତାଲିମପ୍ରାପ୍ତ ସ୍ବାସ୍ଥ୍ୟ ସେବା କର୍ମଚାରୀଙ୍କ ପାଇଁ ମଧ୍ୟ ଏହା ଆବଶ୍ୟକ।
ଛୁଞ୍ଚି ସହିତ ଜଡିତ ବିପଦ ଯେପରିକି ସଂକ୍ରମଣ କିମ୍ବା ଟିକାକରଣ ପରେ ହେଉଥିବା ଯନ୍ତ୍ରଣା ନାଜାଲ ଭାକ୍ସିନ ଦ୍ୱାରା ଦୂର ହେବ।
ଶିଶୁ ଏବଂ ବୟସ୍କମାନଙ୍କ ପାଇଁ ଏହା ଉପଯୁକ୍ତ ସାବ୍ୟସ୍ତ ହେବ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଶରୀରରେ ପ୍ରବେଶ କରିବା ପୂର୍ବରୁ ଏହାର ଭୂତାଣୁକୁ ମାରିବାର କ୍ଷମତା ଅଛି, ତେଣୁ ଶରୀରର ଅଙ୍ଗଗୁଡ଼ିକରେ କୌଣସି ଅସୁବିଧା ହେବାର ଆଶଙ୍କା ରହିବ ନାହିଁ।