ଲକ୍ଷ୍ନୌ: ବର୍ଷା କାରଣରୁ ରାସ୍ତାରେ ପାଣି ଦୀର୍ଘ ଦିନ ପର୍ଯ୍ୟନ୍ତ ଜମି ରହିବା ଓ ତାହା ନିଷ୍କାସନ ପାଇଁ ଉପଯୁକ୍ତ ଡ୍ରେନ୍ର ସୁବିଧା ନ ଥିବା କାରଣରୁ ଆଗ୍ରାବାସୀ ଅତିଷ୍ଠ ହୋଇପଡ଼ିଛନ୍ତି। ଶେଷରେ ଅନେକ କଲୋନୀର ନାମକୁ ବଦଳାଇ ସେମାନେ କାଦୁଅନଗର, ନରକପୁରୀ ଆଦି ଦେଇଛନ୍ତି। ଚଳିତବର୍ଷ ଆବଶ୍ୟକତାଠାରୁ ଅଧିକ ବର୍ଷା ହୋଇଥିବାବେଳେ ରାସ୍ତାଘାଟର ଅବସ୍ଥା ନ କହିଲେ ଭଲ। ରାସ୍ତାର ମରାମତି ଏବଂ ନାଳ ସୁବିଧା କରିବା ଲାଗି ବିଭିନ୍ନ କଲୋନୀର ଲୋକେ ସ୍ଥାନୀୟ ଜନପ୍ରତିନିଧିଙ୍କଠାରୁ ଆରମ୍ଭ କରି ମନ୍ତ୍ରୀ ଏବଂ ଏମ୍ପିଙ୍କ ନିକଟରେ ଅଭିଯୋଗ କରିଥିଲେ। କିନ୍ତୁ ସେମାନଙ୍କ ଅଭିଯୋଗ ସବୁ ଫସର ଫାଟିଲା ଭଳି। ସେମାନେ ପ୍ରତିଶ୍ରୁତି ଦେଉଥିଲେ ସତ, କିନ୍ତୁ ତାହା କାର୍ଯ୍ୟକାରୀ ହେଉ ନ ଥିଲା। ଏହାପରେ ନେତାଙ୍କ ଅପାରଗତାକୁ ଦର୍ଶାଇବା ପାଇଁ ଲୋକେ ନିଜ କଲୋନୀ ନାମ ବଦଳାଇଛନ୍ତି।