ଜୟପୁର, ୨।୨(ନି.ପ୍ର.): କୋରାପୁଟ ଜିଲା ନାରାୟଣପାଟଣା ଆଇଆଇସି ରଞ୍ଜିତ ସାହୁ ନିଲମ୍ବିତ ହୋଇଛନ୍ତି। ଲକ୍ଷ୍ମୀପୁର ଏସ୍ବିଆଇ ବ୍ୟାଙ୍କ ଲକର୍ରୁ ସୁନା ଚୋରି ଘଟଣାରେ ପୋଲିସ ପକ୍ଷରୁ ଏହି କାର୍ଯ୍ୟାନୁଷ୍ଠାନ ନିଆଯାଇଥିବା କୋରାପୁଟ ଏସ୍ପି ସୂଚନା ଦେଇଛନ୍ତି।
ସୁନା କ୍ରୟକାରୀଙ୍କ ଫେରାର ପଛରେ ରଞ୍ଜିତଙ୍କ ହାତ ରହିଥିଲା। ଏନେଇ ଅଭିଯୋଗ ହେବା ପରେ ନିଆଯାଇଛି କାର୍ଯ୍ୟାନୁଷ୍ଠାନ। ତାଙ୍କ ସହ ହୋମଗାର୍ଡ ଗୋପାଳ ରେଡ୍ଡିଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନିଆଯାଇଥିବା ଜଣାପଡ଼ିଛି।