ନୂଆଦିଲ୍ଲୀ,୧୭।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନଭେମ୍ବର ୧୯ରେ ଅରୁଣାଚଳ ପ୍ରଦେଶ ଓ ଉତ୍ତର ପ୍ରଦେଶ ଗସ୍ତରେ ରହିବେ। ଏହି ସମୟରେ ପ୍ରଧାନମନ୍ତ୍ରୀ ମୋଦି ଅରୁଣାଚଳ ପ୍ରଦେଶର ରାଜଧାନୀ ଇଟାନଗରରେ ନିର୍ମାଣ ହୋଇଥିବା ବିମାନବନ୍ଦର ଡୋନି ପୋଲୋର ଉଦ୍ଘାଟନ କରିବେ। ଅରୁଣାଚଳ ପ୍ରଦେଶରେ ବିମାନବନ୍ଦରର ନାମ ସୁର୍ଯ୍ୟ(ଡୋନି) ଓ ଚନ୍ଦ୍ରମା (ପୋଲୋ) ଆଦିବାସୀଙ୍କ ପୁରୁଣା ଶ୍ରଦ୍ଧାକୁ ପ୍ରତିଫଳିତ କରିଥାଏ। ଅନ୍ୟପଟେ ଉତ୍ତରପ୍ରଦେଶର ବାରାଣସୀରେ ’କାଶୀ ତାମିଲ ସଙ୍ଗମମ’ କାର୍ଯ୍ୟକ୍ରମରେ ମୋଦି ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି ବୋଲି ଜଣାପଡ଼ିଛି। ଡୋନି ପୋଲୋ ବିମାନ ବନ୍ଦରରେ ଆଇଏଲ୍ଏସ୍ ସ୍ଥାପନ କରାଯାଇଛି। ଯେଉଁଥିରେ ଏକ ଲୋକାଲାଇଜର୍, ଏକ ଗାଇଡ୍ପଥ ଓ ଦୂରତା ମାପ ଉପକରଣ ସାମିଲ ରହିବ। ଏହା ପ୍ରତ୍ୟେକ ଋତୁରେ ବିମାନବନ୍ଦରରେ କାର୍ଯ୍ୟରେ ସାହାଯ୍ୟ କରିବ। ରାଜ୍ୟରେ ଅପ୍ରତ୍ୟାଶିତ ପାଣିପାଗ ପରିସ୍ଥିତିକୁ ଦୃଷ୍ଟିରେ ରଖି ଏହାର ବେଶ୍ ଆବଶ୍ୟକ ରହିଥିଲା।
