ନୂଆଦିଲ୍ଲୀ,୨୭।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ମେ’ ୨୪ରେ ସିଡନୀରେ ହେବାକୁ ଥିବା ‘କ୍ୱାର୍ଡ’ ଶିଖର ସମ୍ମିଳନୀରେ ଆମେରିକାର ରାଷ୍ଟ୍ରପତି ଜୋ ବିଡେନ ଏବଂ ଅଷ୍ଟ୍ରେଲିଆ ଏବଂ ଜାପାନର ପ୍ରତିପକ୍ଷଙ୍କ ସହ ସାମିଲ କରିବେ। ଏହି ବୈଠକରେ ୟୁକ୍ରେନ ବିବାଦ ଏବଂ ଭାରତ-ପ୍ରଶାନ୍ତ ମହାସାଗରରେ ସମଗ୍ର ପରିସ୍ଥିତି ଉପରେ ଆଲୋଚନା ହେବାର ସମ୍ଭାବନା ରହିଛି। ‘କ୍ୱାର୍ଡ’ ହେଉଛି ଚାରୋଟି ଦେଶର ଏକ ସୁରକ୍ଷା ସଂଳାପ ଗୋଷ୍ଠୀ, ଯେଉଁଥିରେ ଭାରତ, ଆମେରିକା, ଜାପାନ ଏବଂ ଅଷ୍ଟ୍ରେଲିଆ ଅନ୍ତର୍ଭୁକ୍ତ। ଅଷ୍ଟ୍ରେଲିଆ ପ୍ରଥମ ଥର ପାଇଁ ‘କ୍ୱାର୍ଡ’ ଶିଖର ସମ୍ମିଳନୀ ଆୟୋଜିତ କରୁଛି।
ସୂଚନାଯୋଗ୍ୟ, ଅଷ୍ଟ୍ରେଲିଆ ଯିବା ପୂର୍ବରୁ ପ୍ରଧାନମନ୍ତ୍ରୀ ଜାପାନର ହିରୋସିମା ଗସ୍ତ କରିବାର ସମ୍ଭାବନା ରହିଛି, ଯେଉଁଠାରେ ସେ ଉନ୍ନତ ଅର୍ଥନୀତିର ଜି-୭ ଗୋଷ୍ଠୀର ଶିଖର ବୈଠକରେ ଯୋଗଦେବେ। ଏହି ବୈଠକ ମେ ୧୯ ରୁ ୨୧ପର୍ଯ୍ୟନ୍ତ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଗତ ମାସରେ ଭାରତ ଗସ୍ତରେ ଆସିଥିବା ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଦା ପ୍ରଧାନମନ୍ତ୍ରୀ ମୋଦୀଙ୍କୁ ଜି-୭ ଗୋଷ୍ଠୀ ବୈଠକରେ ସାମଲ ହେବାକୁ ନିମନ୍ତ୍ରଣ କରିଥିଲେ।
