ନୂଆଦିଲ୍ଲୀ,୨୦୧୨: ଖ୍ରୀଷ୍ଟମାସ ପୂର୍ବରୁ ଅର୍ଥାତ ଡିସେମ୍ବର ୨୪ରେ, ମହାକାଶରେ ବିରଳ ଘଟଣା ଘଟିବାକୁ ଯାଉଛି। ବୈଜ୍ଞାନିକଙ୍କ ଅନୁଯାୟୀ, ୧୨୦ ଫୁଟ ଲମ୍ବର ଆଷ୍ଟ୍ରୋଏଡ ପୃଥିବୀ ଆଡକୁ ମାଡି ଆସୁଛି। ବୈଜ୍ଞାନିକମାନେ ଏହି ଆଷ୍ଟ୍ରୋଏଡର ନାମ 2024 XN1 ରଖିଛନ୍ତି। ନାସା କହିଛି ଯେ ଏହି ଆଷ୍ଟ୍ରୋଏଡ ଘଣ୍ଟା ପ୍ରତି ୧୪,୭୪୩ ମାଇଲ ବେଗରେ ଗତି କରୁଛି, ଯାହା ପୃଥିବୀ ଠାରୁ ୪,୪୮୦,୦୦୦ ମାଇଲ ଦୂରତାରେ ପାଖ ଦେଇଯିବ। ଯାହା ପୃଥିବୀ ଏବଂ ଚନ୍ଦ୍ର ମଧ୍ୟରେ ଦୂରତାର ୧୬ ଗୁଣ ଦୂର ଅଟେ। ନାସାର ବୈଜ୍ଞାନିକ ଚେତାବନୀ ଦେଇଛନ୍ତି, ଯଦିଓ ୧୨୦ ଫୁଟ ଲମ୍ବର ଆଷ୍ଟ୍ରୋଏଡ ପୃଥିବୀର ଅତି ନିକଟବର୍ତ୍ତୀ ହୋଇପାରେ, ତଥାପି ଏହା କୌଣସି ବିପଦ ସୃଷ୍ଟି କରିବ ନାହିଁ।
ମହାକାଶରେ ପୃଥିବୀ ନିକଟରେ ପାଖ ଦେଇ ଯାଉଥିବା ଏକ ଆଷ୍ଟ୍ରୋଏଡର ଘଟଣା ନୂଆ ନୁହେଁ। ବୈଜ୍ଞାନିକଙ୍କ ଅନୁଯାୟୀ, 2024 XN1 ପରି ଆଷ୍ଟ୍ରୋଏଡଗୁଡିକ ପ୍ରାରମ୍ଭିକ ସୌରମଣ୍ଡଳର ଉତ୍ପତ୍ତି ବୁଝିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ। ପୃଥିବୀ ନିକଟରେ ଯାଉଥିବା ପରବର୍ତ୍ତୀ ପାଞ୍ଚଟି ଆଷ୍ଟ୍ରୋଏଡ ମଧ୍ୟରେ 2024 XN1 ଆଷ୍ଟ୍ରୋଏଡ ସର୍ବ ବୃହତ ଅଟେ। ଏହା ସତ୍ତ୍ୱେ ବୈଜ୍ଞାନିକମାନେ ଆଶ୍ୱାସନା ଦେଇଛନ୍ତି ଯେ ପୃଥିବୀ ପାଖ ଦେଇ ଯାଉଥିଲେ ମଧ୍ୟ କୌଣସି ବିପଦ ନାହିଁ। ନାସାର ଆଷ୍ଟ୍ରୋଏଡ ୱାଚ ଡ୍ୟାସବୋର୍ଡ ସାହାଯ୍ୟରେ ଏହି ଆଷ୍ଟ୍ରୋଏଡ ଉପରେ ନଜର ରଖାଯାଉଛି। ନାସାର ଡ୍ୟାସବୋର୍ଡ ସେହି ସମସ୍ତ ଆଷ୍ଟ୍ରୋଏଡ ଏବଂ ଧୂମକେତୁ ବିଷୟରେ ସୂଚନା ଦେଇଥାଏ ଯାହା ପୃଥିବୀ ନିକଟରେ ଯାଇଥାଏ କିମ୍ବା ପୃଥିବୀ ସହିତ ଧକ୍କା ହେବାକୁ ଯାଉଛି ।
