କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଆଜି ନିଜର ୨୭ତମ ଜନ୍ମଦିନ ପାଳନ କରୁଛନ୍ତି। ଜନ୍ମଦିନରେ ସେ ପରିବାରଠାରୁ ଦୂରରେ ଅଛନ୍ତି। ଏଭଳି ପରିସ୍ଥିତିରେ ହାର୍ଦ୍ଦିକଙ୍କ ସ୍ତ୍ରୀ ନତାଶା ଷ୍ଟାନକୋଭିକ ରୋମାଣ୍ଟିକ ଫଟୋ ଶେୟାର କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଏହି ଫଟୋ ଗୁଡ଼ିକରେ ଉଭୟଙ୍କର ସ୍ମରଣୀୟ ମୁହୂର୍ତ୍ତ ସବୁ କଏଦ୍ ହୋଇଛି। ପ୍ରଥମ ଫଟୋଟିରେ ହାର୍ଦ୍ଦିକ ଦୁବାଇରେ ନତାଶାଙ୍କୁ ବିବାହ ପ୍ରସ୍ତାବ ଦେଇଥିବାବେଳର। ଦ୍ୱିତୀୟ ଫଟୋରେ ନତାଶା ଗର୍ଭବତୀ ଥିବା ସମୟରେ ହାର୍ଦ୍ଦିକ ତାଙ୍କ ପେଟକୁ ଚୁମ୍ବନ ଦେଉଥିବାର ଦେଖାଯାଉଛି। ଏହି ଫଟୋ ଶେୟାର କରି ନତାଶା ଲେଖିଥିଲେ- ମୋର ପ୍ରିୟ, ବନ୍ଧୁ ଏବଂ ପ୍ରେମିକଙ୍କୁ ଜନ୍ମଦିନର ଶୁଭେଚ୍ଛା। ତୁମେ ଆମ ଜୀବନରେ ବହୁତ ଖୁସି ଆଣିଛ। ମୁଁ ତୁମ ସହିତ ବିତାଇଥିବା ପ୍ରତ୍ୟେକ ମୁହୂର୍ତ୍ତ ପାଇଁ ତୁମକୁ ଧନ୍ୟବାଦ। ତୁମେ ଫେରିବାକୁ ଅପେକ୍ଷା କରିଛୁ। ବିଶେଷକରି ଅଗସ୍ତ୍ୟ ତୁମକୁ ବହୁତ୍ ମିସ୍ କରୁଛି। ନତାଶା ହାର୍ଦ୍ଦିକ ଏବଂ ପୁଅ ଅଗସ୍ତ୍ୟଙ୍କ ସୁନ୍ଦର ଫଟୋ ସହିତ ଏକ ଭିଡିଓ ମଧ୍ୟ ଶେୟାର କରିଛନ୍ତି। ସୂଚନାଯୋଗ୍ୟ, ହାର୍ଦ୍ଦିକ ଏବଂ ନତାଶା ଗତ ଜାନୁଆରୀରେ ସେମାନଙ୍କ ନିର୍ବନ୍ଧ ସମ୍ପର୍କରେ ଘୋଷଣା କରିଥିଲେ। ଗତ ଅଗଷ୍ଟରେ ପୁଅ ଅଗସ୍ତ୍ୟଙ୍କୁ ଜନ୍ମ ଦେଇଥିଲେ ନତାଶା। ଏବେ ହାର୍ଦ୍ଦିକ ଆଇପିଏଲ ଟୁର୍ନାମେଣ୍ଟ ପାଇଁ ଦୁବାଇରେ ଅଛନ୍ତି।
https://www.instagram.com/p/CGMUmjNAZhb/?utm_source=ig_web_copy_link
