ଅଭିନେତ୍ରୀ ତଥା ମଡେଲ ନତାଶା ଷ୍ଟାନକୋଭିକ ଏବଂ କ୍ରିକେଟର ହାର୍ଦ୍ଦିକ ପାଣ୍ଡ୍ୟାଙ୍କ ମଧ୍ୟରେ ଛାଡପତ୍ରର ଗୁଜବ ଅନେକ ଦିନ ହେବ ଚର୍ଚ୍ଚାରେ ରହିଛି। ଏସବୁ ଭିତରେ ନତାଶା ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି। ତାଙ୍କର ଏହି ପୋଷ୍ଟ ପୁଣିଥରେ ଉଭୟଙ୍କ ମଧ୍ୟରେ ମତଭେଦ ସୃଷ୍ଟି କରିଛି। ଏହି ଭିଡିଓରେ ସେ ଜୀବନର କିଛି ପରିସ୍ଥିତି ଦେଇ ଗତି କରୁଥିବାବେଳେ ନିରାଶ ହେବା ପରିବର୍ତ୍ତେ ଈଶ୍ବରଙ୍କ ଉପରେ ବିଶ୍ୱାସ ରଖିବାକୁ ଲୋକଙ୍କୁ ପରାମର୍ଶ ଦେଇଛନ୍ତି। ତାଙ୍କର ଏହି ପୋଷ୍ଟ ହାର୍ଦ୍ଦିକ ପାଣ୍ଡ୍ୟାଙ୍କଠାରୁ ଅଲଗା ହେବାର ଗୁଜବ ମଧ୍ୟରେ ଆସିଛି। ଲୋକମାନେ ତାଙ୍କ ଏବଂ ହାର୍ଦ୍ଦିକଙ୍କ ମଧ୍ୟରେ ଚାଲିଥିବା ମତଭେଦ ସହିତ ଏହି ଭିଡିଓକୁ ଯୋଡୁଛନ୍ତି।
ସୋସିଆଲ ମିଡିଆରେ ନତାଶା ଷ୍ଟାନକୋଭିକ ବେଶ୍ ସକ୍ରିୟ। ନିକଟରେ ନତାଶା ନିଜ ଇନଷ୍ଟାଗ୍ରାମ ଷ୍ଟାଟସରେ ଏକ କାରରେ ବସିଥିବାର ଏକ ଭିଡିଓ ଶେୟାର କରିଛନ୍ତି। ସେ କହିଛନ୍ତି, ମୁଁ ଏପରି କିଛି ପଢିବାକୁି ବହୁତ ଉତ୍ସାହିତ ଥିଲି, ଯାହା ମୋତେ ଆଜି ଶୁଣିବାକୁ ଆବଶ୍ୟକ ଥିଲା। ସେଥିପାଇଁ ମୁଁ କାରରେ ମୋ ସହିତ ଏକ ବାଇବେଲ୍ ଆଣିଥିଲି। କାରଣ ମୁଁ ଏହାକୁ ପଢିବାକୁ ଚାହୁଁଥିଲି।
ସେ ଆହୁରି ମଧ୍ୟ କହିଥିଲେ, ଭଗବାନ ସର୍ବଦା ତୁମ ଆଗେ ଆଗେ ଚାଲନ୍ତି। ସେ ତୁମ ସହିତ ରହିବେ।ସେ ତୁମକୁ କେବେ ବି ଛାଡିବେ ନାହିଁ କିମ୍ବା ତ୍ୟାଗ କରିବେ ନାହିଁ। ତେଣୁ ତୁମେ କେବେ ଭୟ କିମ୍ବା ନିରାଶ ହେବା ଉଚିତ୍ ନୁହେଁ। ଯେତେବେଳେ ବି ଆମେ ଏକ ନିର୍ଦ୍ଦିଷ୍ଟ ପରିସ୍ଥିତି ଦେଇ ଗତି କରୁ, ଆମେ ପ୍ରାୟତଃ ନିରାଶ ଏବଂ ଦୁଃଖୀ ହୋଇଥାଉ। ଭଗବାନ ସର୍ବଦା ଆପଣଙ୍କ ସହିତ ଅଛନ୍ତି। ଆପଣ ବର୍ତ୍ତମାନ ଯାହା କରୁଛନ୍ତି ତାହା ଦେଖି ସେ ଆଶ୍ଚର୍ଯ୍ୟ ହେବେ ନାହିଁ କାରଣ ତାଙ୍କର ପୂର୍ବରୁ ଏକ ଯୋଜନା ଅଛି।