ଭୁବନେଶ୍ୱର, ୨୩।୩(କ୍ରୀଡ଼ା ପ୍ରତିନିଧି)-ସ୍ଥାନୀୟ କଳିଙ୍ଗ ଷ୍ଟାଡିୟମରେ ଚାଲିଥିବା ସର୍ବପ୍ରଥମ ହକି ଇଣ୍ଡିଆ ଜାତୀୟ ଏକାଡେମୀ ମହିଳା ହକି ଟୁର୍ନାମେଣ୍ଟର ସୋମବାର ଅନୁଷ୍ଠିତ ସବ୍ଜୁନିୟର ବିଭାଗ ମ୍ୟାଚରେ ସାଇ ଓ ଜୟଭାରତ ଏକାଡେମୀ ବୃହତ୍ ବିଜୟ ହାସଲ କରିଛନ୍ତି। ପୁଲ୍ ‘ଏ’ ମ୍ୟାଚରେ ସାଇ ୧୬-୦ ଗୋଲରେ ଧ୍ୟାନଚାନ୍ଦ ହକି ଏକାଡେମୀକୁ ପରାସ୍ତ କରିଛି। ଏହି ପୁଲ୍ର ଅନ୍ୟ ଏକ ମ୍ୟାଚରେ ରାଉଣ୍ଡ ଗ୍ଲାସ ପଞ୍ଜାବ ହକି କ୍ଲବ ଏକାଡେମୀ ୫-୩ ଗୋଲରେ ମାର୍କଣ୍ଡେଶ୍ୱର ହକି ଏକାଡେମୀକୁ ହରାଇ ଦେଇଛି। ପୁଲ୍ ‘ବି’ର ଏକ ମ୍ୟାଚରେ ଜୟ ଭାରତ ହକି ଏକାଡେମୀ ୧୨-୦ ଗୋଲରେ ତାମିଲନାଡ଼ୁ ହକି ଏକାଡେମୀକୁ ହରାଇଛି। ଏହି ପୁଲ୍ର ଅନ୍ୟ ଏକ ମ୍ୟାଚରେ ମଧ୍ୟପ୍ରଦେଶ ହକି ଏକାଡେମୀ ୫-୦ ଗୋଲରେ ଅଲିମ୍ପିଆନ ବିବେକ ସିଂ ହକି ଏକାଡେମୀକୁ ପରାସ୍ତ କରିଛି। ଜୁନିୟର ବିଭାଗର ପୁଲ୍ ‘ସି’ ମ୍ୟାଚରେ ଅମୃତସରର ଖାଲ୍ସା ହକି ଏକାଡେମୀ ୧୫-୦ ଗୋଲରେ ରାଜା କରନ ହକି ଏକାଡେମୀକୁ ହରାଇଛି। ଏହି ପୁଲ୍ରେ ସାଲ୍ୟୁଟ ହକି ଏକାଡେମୀ ୫-୧ ଗୋଲରେ ଧ୍ୟାନ ଚାନ୍ଦ ହକି ଏକାଡେମୀକୁ ପରାସ୍ତ କରିଛି। ପୁଲ୍ ‘ଡି’ ମ୍ୟାଚରେ ସାଇ ଏକାଡେମୀ ୧୦-୦ ଗୋଲରେ ଘୁମାନହୀରା ରାଇଜର୍ସ ଏକାଡେମୀକୁ ଏବଂ ଜୟ ଭାରତ ହକି ଏକାଡେମୀ ୫-୧ ଗୋଲରେ ରାଉଣ୍ଡ ଗ୍ଲାସ ପଞ୍ଜାବ ହକି ଏକାଡେମୀକୁ ହରାଇ ଦେଇଛି।