ବାଉଁଶୁଣୀ,୮ା୭(ଡି.ଏନ୍.ଏ.): ୫୭ ନଂ. ଜାତୀୟ ରାଜପଥର ମନମୁଣ୍ଡା ଥାନା ଗୁଦୁଗୁଦା ନିକଟରେ ସ୍ଥାନୀୟ ଲୋକେ ଗୁରୁବାର ପୂର୍ବାହ୍ନରେ ରାସ୍ତାରୋକୋ କରିଥିଲେ। ଫଳରେ ଜାତୀୟ ରାଜପଥର ଉଭୟ ପାର୍ଶ୍ୱରେ ଶହ ଶହ ଯାନବାହନ ଅଟକି ରହିଥିଲା।
ସୂଚନାଯୋଗ୍ୟ, ନୂଆପୋଲର ସଂଯୋଗୀକରଣ ରାସ୍ତା ବୁଧବାର ରାତିରେ ଦବି ପିଚୁ ଉଠି ଯାଇଥିବା ଦେଖିବାକୁ ମିଳିଛି l ଗତ ସପ୍ତାହରେ ହୋଇଥିବା ବର୍ଷାରେ ରାସ୍ତାର ତଳ ମାଟି ଧୋଇ ନେଇ ଗର୍ତ୍ତ ସୃଷ୍ଟି ହୋଇଥିବା ଦେଖିବାକୁ ମିଳିଥିଲା। ମାତ୍ର ୪ ମାସ ତଳେ ଏହି ରାସ୍ତା କାମ ହୋଇ ସାମାନ୍ୟ ବର୍ଷାରେ ନଷ୍ଟ ହେବା ଘଟଣା କାମର ମାନକୁ ନେଇ ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି। ତୁରନ୍ତ ରାସ୍ତା ମରାମତି ସହ ହୋଇଥିବା କାମର ତଦନ୍ତ ବୈଷୟିକ କମିଟି ଦ୍ବାରା କରାଯାଇ କାର୍ଯ୍ୟାନୁଷ୍ଠାନ ପାଇଁ ଜନସାଧାରଣ ଦାବି କରିଛନ୍ତି। ଘଟଣାସ୍ଥଳରେ ମନମୁଣ୍ଡା ପୋଲିସ ଲୋକଙ୍କୁ ବୁଝାଶୁଝା କରାଇଥିଲେ ମଧ୍ୟ ଲୋକେ ରାଜପଥ ବିଭାଗର ଅଧିକାରୀ ଓ ଜିଲାପାଳ ସେଠାକୁ ଆସି ଆଲୋଚନା କରିବା ପାଇଁ ଆନ୍ଦୋଳନକାରୀମାନେ ଜିଦ୍ କରୁଥିବାରୁ ସମାଧାନ ହୋଇପାରିନାହିଁ l
