ଚଣ୍ଡିଖୋଲ,୧୮।୨(ଡି.ଏନ୍.ଏ.): ଦ୍ୱିତୀୟ ପର୍ଯ୍ୟାୟ ପଞ୍ଚାୟତ ନିର୍ବାଚନରେ ନିର୍ବାଚନୀ ହିଂସା ଦେଖିବାକୁ ମିଳିଛି । ଯାଜପୁର ଜିଲା ବଡ଼ଚଣା ବ୍ଲକରେ ଶୁକ୍ରବାର ଦ୍ୱିତୀୟ ପର୍ଯ୍ୟାୟ ମତଦାନ ଶେଷ ହୋଇ ଥିବା ବେଳେ ନଳିପୁର ପଞ୍ଚାାୟତର ଦୁଇଟି ବୁଥରେ ରିଗିଂ ଅଭିଯୋଗ ହୋଇଛି। ୧ ଟାରେ ମତଦାନ ସରିବା ପରେ କିଛି ଲୋକ ୧ ନମ୍ବର ଓ ଦୁଇ ନମ୍ବର ବୁଥ ରିଗିଂ କରିଥିଲେ । ଯେଉଁଥି ପାଇଁ ଏହାକୁ ବିରୋଧ କରି ଅନ୍ୟ ଏକ ଗୋଷ୍ଠୀର ଲୋକେ ଏନଏଚ୍ ନଳିପୁର ଛକରେ ଜାତୀୟ ରାଜପଥ ଅବରୋଧ କରିଛନ୍ତି ।
ସ୍ଥାନୀୟ ଅଞ୍ଚଳରେ ଚପା ଉତ୍ତେଜନା ଦେଖା ଦେଇଛି । ଘଟଣାସ୍ଥଳରେ ଗାଡି ମଟର ଅଟକି ରହିଥିବା ବେଳେ ଯାଜପୁର ଏସ୍ଡିପିଓ ଓ ବିଭିନ୍ନ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାଶୁଝା କରିବା ପରେ ବି ରାସ୍ତାରୋକ ହଟି ପାରିନାହିଁ । ଆଉଥରେ ଦୁଇଟି ବୁଥ୍ରେ ନିର୍ବାଚନ କରିବା ପାଇଁ ଲୋକେ ଦାବି କରିଛନ୍ତି।
