ଭୁବନେଶ୍ୱର, ୧୯ା: ଉତ୍ତରାଖଣ୍ଡର ଡେରାଡୁନ୍ଠାରେ ଚାଲିଥିବା ଜାତୀୟ ସିନିୟର ଓ ୨୧ ବର୍ଷରୁ କମ୍ କରାଟେ ପ୍ରତିଯୋଗିତାରେ ଓଡ଼ିଶା କରାଟେକାମାନେ ପ୍ରଥମ ଦିବସରେ ଗୋଟିଏ ଲେଖାଏଁ ସ୍ବର୍ଣ୍ଣ ଓ ରୌପ୍ୟ ଏବଂ ୨ବ୍ରୋଞ୍ଜ ପଦକ ହାସଲ କରିଛନ୍ତି। ଭାଲେନା ଭାଲେଣ୍ଟିନା, ସୁରୋମିତା ସିହ୍ନା, ବିଦ୍ୟା କିରଣ ସାହୁ ଓ ନ୍ୟାସା କୁମାରୀଙ୍କୁ ନେଇ ଓଡ଼ିଶା ଦଳ ସିନିୟର ମହିଳା ଟିମ୍ କାଟାରେ ସ୍ବର୍ଣ୍ଣ ପଦକ ହାସଲ କରିଥିବା ବେଳେ ଭାଲେଣ୍ଟିନା ସିନିୟର ମହିଳା କାଟାରେ ରୌପ୍ୟ ଜିତିଛନ୍ତି। ୨୧ ବର୍ଷରୁ କମ୍ ମହିଳା ୬୮କେଜି ଫାଇଟିଂ ବିଭାଗରେ ମାଉ ମିନାଲ ବ୍ରୋଞ୍ଜ ପାଇଥିବା ବେଳେ ୨୧ ବର୍ଷରୁ କମ୍ ପୁରୁଷ ୮୪ କେଜି ଫାଇଟିଂ ବିଭାଗରେ ସୁମନ ଶେଖର ଦାସ ଏକ ବ୍ରୋଞ୍ଜ ପଦକ ଲାଭ କରିଛନ୍ତି। ପଦକ ବିଜେତାଙ୍କୁ ଓଡ଼ିଶା ରାଜ୍ୟ କରାଟେ ସଂଘ ସମ୍ପାଦକ ଡ. ଗୌରି ମହାନ୍ତି ଓ କୋଚ୍ ହରି ପ୍ରସାଦ ପଟ୍ଟନାୟକ ଓ ଅନ୍ୟ ସଦସ୍ୟଗଣ ଅଭିନ୍ଦର ଜଣାଇଛନ୍ତି। ରବିବାର ମହିଳା ଓ ପୁରୁଷ ସିନିୟର ବିଭାଗରେ ଫାଇଟିଂ ପ୍ରତିଯୋଗିତା ହେବ।