ଚନ୍ଦ୍ରପୃଷ୍ଠରେ ଏକ ସଫ୍ଟ ଲ୍ୟାଣ୍ଡିଂ କରିବାରେ ଭାରତ ଗତବର୍ଷଠାରୁ ବିଶ୍ୱର ଚତୁର୍ଥ ଦେଶ ଭାବେ ପରିଗଣିତ ହୋଇଛି। ଭାରତୀୟ ସ୍ପେସ୍ ଏଜେନ୍ସି (ISRO) ଗତବର୍ଷ ୨୩ ଅଗଷ୍ଟ ୨୦୨୩ରେ ଏହି ରେକର୍ଡ ସୃଷ୍ଟି କରିଥିଲା। ଯେତେବେଳେ ଚନ୍ଦ୍ରାୟନ-୩ ଚନ୍ଦ୍ରର ସାଉଥ୍ ପୋଲ୍ରେ ଏକ ସଫ୍ଟ ଲ୍ୟାଣ୍ଡିଂ କରିଥିଲା ସେତେବେଳେ ସମଗ୍ର ବିଶ୍ୱର ନଜର ଇସ୍ରୋ ଉପରେ ଥିଲା।
ମହାକାଶ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟାରେ ଉଲ୍ଲେଖନୀୟ ସଫଳତାକୁ ଚିହ୍ନିବା ଏବଂ ସମ୍ମାନ ଦେବା ପାଇଁ ଭାରତରେ ଜାତୀୟ ମହାକାଶ ଦିବସ ପାଳନ କରିବାକୁ ନିଷ୍ପତ୍ତି ନିଆଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିବର୍ଷ ୨୩ ଅଗଷ୍ଟକୁ ଜାତୀୟ ମହାକାଶ ଦିବସ ଭାବରେ ପାଳନ କରିବାକୁ ଘୋଷଣା କରିଥିଲେ। ତେବେ ଭାରତ ଚଳିତବର୍ଷ ଏହାର ପ୍ରଥମ ଜାତୀୟ ମହାକାଶ ଦିବସ ଅଗଷ୍ଟ ୨୩ ଅର୍ଥାତ୍ ଶୁକ୍ରବାର ପାଳନ କରିବାକୁ ଯାଉଛି।
ମହାକାଶ ଅନୁସନ୍ଧାନରେ ଭାରତ ମହତ୍ୱପୂର୍ଣ୍ଣ ଅଗ୍ରଗତି କରୁଛି, ତେଣୁ ଜାତୀୟ ମହାକାଶ ଦିବସ ଦେଶର ଅଗ୍ରଗତି ଉପରେ ପ୍ରତିଫଳିତ ହେବା, ଏହାର ଅବଦାନକୁ ପାଳନ କରିବା ଏବଂ ମହାକାଶ ଅନୁସନ୍ଧାନରେ ଭବିଷ୍ୟତ ପିଢ଼ିକୁ ପ୍ରେରଣା ଦେବା ପାଇଁ ଏକ ବିଶେଷ ସୁଯୋଗ ପ୍ରଦାନ କରିବ। ଏହି ଦିନ ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ଅନ୍ତର୍ଜାତୀୟ ସହଯୋଗକୁ ଅଗ୍ରଗତି କରିବାରେ ମହାକାଶ ଅନୁସନ୍ଧାନର ଗୁରୁତ୍ୱପୂର୍ଣ୍ଣ ଭୂମିକାକୁ ପ୍ରକାଶ କରିବ।
ଅନ୍ୟାନ୍ୟ ଜାତୀୟ ଦିବସ ପାଳନ ପରି ଜାତୀୟ ସ୍ପେସ୍ ବା ମହାକାଶ ଦିବସ ମଧ୍ୟ ଏକ ବିଶେଷ ଥିମ୍ ଆଧାରରେ ୨୩ ଅଗଷ୍ଟରେ ପାଳନ କରାଯିବ। ଜାତୀୟ ସ୍ପେସ୍ ଡେ ଥିମ୍ ପ୍ରତିବର୍ଷ ରେଫରେନ୍ସ ସହିତ ପରିବର୍ତ୍ତନ କରାଯିବ। ଏହି ବର୍ଷ ଅର୍ଥାତ୍ ଜାତୀୟ ସ୍ପେସ୍ ଡେ’ ୨୦୨୪ ଥିମ୍ ହେଉଛି ‘ଚନ୍ଦ୍ରର ସ୍ପର୍ଶ ସହିତ ଜୀବନ ଅନୁଭୂତି।’ ଯାହା ସମାଜ ଏବଂ ପ୍ରଯୁକ୍ତିବିଦ୍ୟା ଉପରେ ମହାକାଶ ଅନୁସନ୍ଧାନର ମହତ୍ତ୍ୱପୂର୍ଣ୍ଣ ପ୍ରଭାବକୁ ପ୍ରକାଶ କରିବ।
