କଟକ ଅଫିସ, ୧୩ା୫- କଟକ ବାଲିଯାତ୍ରା ଉପର ପଡ଼ିଆରେ ଆସନ୍ତା ୨୦ରୁ ୩୦ ତାରିଖ ପର୍ଯ୍ୟନ୍ତ ଜାତୀୟ ଆଦିବାସୀ ମେଳା ଅନୁଷ୍ଠିତ ହେବ। ଏହି ମେଳା ସା-ପରିଚୟ ଫାଉଣ୍ଡେଶନ ପକ୍ଷରୁ ପ୍ରଥମଥର ପାଇଁ କଟକରେ ଆୟୋଜନ କରାଯାଉଛି। ଏଥିରେ ୧୨୦ରୁ ୧୪୦ଟି ଷ୍ଟଲ୍ ଖୋଲାଯିବାର ବ୍ୟବସ୍ଥା ହୋଇଛି। ଉକ୍ତ ଷ୍ଟଲ୍ଗୁଡ଼ିକରେ ଓଡ଼ିଶାର ୧୧ ଜିଲା ଓ ଦେଶର ୧୬ଟି ରାଜ୍ୟର ବିଭିନ୍ନ ଆଦିବାସୀ ଜନଜାତି ସମ୍ପ୍ରଦାୟ ସେମାନଙ୍କ କଳାକୃତି ଏବଂ ବିଭିନ୍ନ ସାମଗ୍ରୀ ପ୍ରଦର୍ଶନ କରିବେ ବୋଲି ଫାଉଣ୍ଡେଶନ ପକ୍ଷରୁ ଶୁକ୍ରବାର ସର୍କିଟ୍ ହାଉସ୍ଠାରେ ଆୟୋଜିତ ଖବରଦାତା ସମ୍ମିଳନୀରେ ସିଏମ୍ସି ମେୟର ସୁବାସ ସିଂ ଯୋଗଦେଇ କହିଛନ୍ତି।
ସୂଚନାଯୋଗ୍ୟ, ଉକ୍ତ ଫାଉଣ୍ଡେଶନ ପକ୍ଷରୁ ଗତ ୪ ବର୍ଷ ଧରି ଆଦିବାସୀଙ୍କ କଳାକୃତିକୁ ଲୋକପ୍ରିୟ କରାଇବା ସହ ସେମାନଙ୍କ ଆର୍ଥିକ ସମୃଦ୍ଧି ପାଇଁ ଏପରି ପ୍ରୟାସ କରାଯାଉଛି। ୨୦୧୭ରେ ପୁରୀଠାରେ ଆଦିବାସୀ ମେଳା ଆୟୋଜନ କରାଯାଇଥିବାବେଳେ ୨୦୧୮ ଓ ୧୯ରେ ଭୁବନେଶ୍ୱରସ୍ଥିତ ଇଡ୍କୋ ପ୍ରଦର୍ଶନୀ ପଡ଼ିଆରେ ଏହା ଆୟୋଜିତ ହୋଇଥିଲା।
