କରାଚି,୩୦।୧: ପାକିସ୍ତାନର ବାମହାତୀ ସ୍ପିନର ନୌମାନ ଅଲୀ ୩୪ ବର୍ଷ ବୟସରେ ଦକ୍ଷିଣ ଆଫ୍ରିକା ବିପକ୍ଷରେ ନିଜର ଟେଷ୍ଟ ଡେବ୍ୟୁ ଖେଳିଥିଲେ। ପ୍ରଥମ ଟେଷ୍ଟର ଦ୍ୱିତୀୟ ପାଳିରେ ସେ ୫ ଉଇକେଟ ନେଇ ସେ ଇତିହାସ ରଚିଛନ୍ତି।
ନୌମାନ ୫ ଉଇକେଟ ଏବଂ ୟାସିର ଶାହ ୪ ଉଇକେଟ ନେବା ଯୋଗୁ ପାକିସ୍ତାନ ଅତିଥି ଟିମ୍କୁ ଦ୍ୱିତୀୟ ପାଳିରେ ୨୪୫ରନ୍ରେ ଅଲ୍ଆଉଟ୍ କରିଦେଇଥିଲା। ଏହାପରେ ପାକିସ୍ତାନକୁ ୮୮ରନ୍ର ବିଜୟଲକ୍ଷ୍ୟ ମିଳିଥିଲା। ଏହାକୁ ଘରୋଇ ଦଳ ୩ ଉଇକେଟ ହରାଇ ସହଜରେ ହାସଲ କରିନେଇଛି।
ଉକ୍ତ ମ୍ୟାଚ୍ରେ ନୌମାନ ୭୩ ରନ୍ ଦେଇ ୭ ଉଇକେଟ ନେଇ ଏକାଧିକ ଉପଲବ୍ଧି ହାସଲ କରିଛନ୍ତି। ସେ ୮୭ ବର୍ଷର ପୁରୁଷ ଟେଷ୍ଟ କ୍ରିକେଟ ଇତିହାସରେ ଗୋଟିଏ ପାଳିରେ ୫ ଉଇକେଟ ନେଇଥିବା ସବୁଠାରୁ ବୟସ୍କ ବୋଲର୍ ପାଲଟିଛନ୍ତି। ଏହାଛଡ଼ା ସେ ଡେବ୍ୟୁ ଟେଷ୍ଟରେ ଗୋଟିଏ ପାଳିରେ ୫ ଉଇକେଟ ନେଇଥିବା ୧୨ତମ ପାକିସ୍ତାନୀ ବୋଲର୍ ପାଲଟିଥିବା ବେଳେ ପ୍ରଥମ ବାମହାତୀ ସ୍ପିନର ପାଲଟିଥିବା ଜଣାପଡ଼ିଛି।