ଝାରସୁଗୁଡ଼ା ଅଫିସ,୨୭ା୯: ଜିଲାରେ ଥିବା ବିଭିନ୍ନ ଦେବୀ ପୀଠରେ ସୋମବାର ମା’ଙ୍କ ନବରାତ୍ର ପୂଜା ଆରମ୍ଭ ହୋଇଛି। ରବିବାର ଅମାବାସ୍ୟା ତିଥିରେ ମା’ଙ୍କ ଧବଳମୁଖୀ ବେଶ ଅନୁଷ୍ଠିତ ହୋଇଥିଲା। ମା’ଙ୍କ ଏହି ବେଶ ଦର୍ଶନ କରିବା ପାଇଁ ବିଭିନ୍ନ ପୀଠରେ ଶ୍ରଦ୍ଧାଳୁଙ୍କ ଭିଡ ହୋଇଥିଲା। ନବରାତ୍ରର ପ୍ରଥମ ଦିବସ ଆଶ୍ୱିନ ଶୁକ୍ଳପକ୍ଷ ପ୍ରତିପଦା ତିଥିରେ ମା’ଙ୍କ ଛତରଯାତ୍ରା ସହିତ କଳସଯାତ୍ରା ଆଦି ଅନୁଷ୍ଠିତ ହୋଇଯାଇଛି। ବନ୍ଧବାହାଲ ସମଲେଶ୍ୱରୀ ମନ୍ଦିରରେ ମନ୍ଦିର କମିଟି ତରଫରୁ ନବରାତ୍ର ପୂଜା ଆରମ୍ଭ ହୋଇଛି। ପୂର୍ବାହ୍ନରେ ମନ୍ଦିରରୁ ମା’ଙ୍କ ଛତରଯାତ୍ରା ଶୋଭାଯାତ୍ରାରେ ବାହାରି ମାର୍କେଟ ପରିକ୍ରମାକରି ଜଗନ୍ନାଥ ମନ୍ଦିର ଦୀନବାନ୍ଧବ କ୍ଷେତ୍ରରେ ପହଞ୍ଚତ୍ଥିଲା। ସେଠାରେ ମା’ଙ୍କ ପୂଜାର୍ଚ୍ଚନା ପରେ ମନ୍ଦିର ପରିସର ନରେନ୍ଦ୍ର ପୁଷ୍କରିଣୀରୁ ୧୦୮କଳସରେ ଜଳ ଆଣି ଯଜ୍ଞମଣ୍ଡପରେ ସ୍ଥାପନ କରାଯାଇଥିଲା। ମନ୍ଦିର ପରିସରରେ ନବଦୁର୍ଗାଙ୍କ ମୂର୍ତ୍ତି ସ୍ଥାପନ କରାଯାଇି ପୂଜାର୍ଚ୍ଚନା କରାଯାଇଥିଲା। ପ୍ରଥମ ଦିବସରେ କଳସାଧିବାସ, ଦୀପପ୍ରଜ୍ଜ୍ୱଳନ, କଳ୍ପାରମ୍ଭ ପୂଜା, ସନ୍ଧ୍ୟା ଆଳତି ହୋଇଥିଲା। ଏଥିରେ କର୍ତ୍ତା ଭାବେ ସାଲେଗ୍ରାମ ନାୟକ, ସ୍ତ୍ରୀ ନଳିନୀ ନାୟକ, କୃଷ୍ଣଚନ୍ଦ୍ର ସିଂହ, ସ୍ତ୍ରୀ ଗାୟତ୍ରୀ ସିଂହ, ଇନ୍ଦ୍ରମଣି ପ୍ରଧାନ, ସ୍ତ୍ରୀ ଟୁଇଙ୍କିଲ ପ୍ରଧାନ, ତରଣୀସେନ ବେହେରା, ସ୍ତ୍ରୀ ଡିଲେଶ୍ୱରୀ ବେହେରା, ସୁବ୍ରତ ପ୍ରଧାନ, ସ୍ତ୍ରୀ ଶ୍ରଦ୍ଧାଞ୍ଜଳି ପ୍ରଧାନ, ସନ୍ତୋଷ କିଷାନ, ସ୍ତ୍ରୀ ତପେଶ୍ୱରୀ କିଷାନ, ଦାମୋଦର ବଢେଇ, ସ୍ତ୍ରୀ ମଞ୍ଜୁଲତା ବଢେଇ, ଶୁଭେନ୍ଦୁ ମହାପାତ୍ର, ସ୍ତ୍ରୀ ମମତା ମହାପାତ୍ର, ବସନ୍ତ ପାଢୀ, ସ୍ତ୍ରୀ ସନ୍ତୋଷିନୀ ପାଢୀ, ପ୍ରଫୁଲ୍ଲ ରାୟ, ସ୍ତ୍ରୀ ଦୀପାଞ୍ଜଳି ରାୟ ପ୍ରମୁଖ ଦାୟିତ୍ୱ ତୁଲାଉଛନ୍ତି। ପୂଜକଭାବେ ବରଗଡର ନିରଞ୍ଜନ ପାଣିଗ୍ରାହୀ, ପିକେଶ ପୁରୋହିତ, ମନ୍ଦିର ପୂଜକ ଶୋଭାରାମ ରାୟ ଓ ତାଙ୍କ ସ୍ତ୍ରୀ ଶ୍ରୀମତି ରାୟ ପ୍ରମୁଖ ପୂଜାକାର୍ଯ୍ୟ ତୁଲାଉଛନ୍ତି। ଏହି ଅବସରରେ ମନ୍ଦିର ପରିସରରେ ନୂଆଁଖାଇ ଭେଟ୍ଘାଟ୍ରେ ଅର୍କେଷ୍ଟ୍ରା, ସମ୍ବଲପୁରୀ ନୃତ୍ୟ ଆଦି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଏଥିରେ ପ୍ରଶାସନିକ ଅଧିକାରୀ ଓ ସ୍ଥାନୀୟ ଜନପ୍ରତିନିଧି ଅତିଥିଭାବେ ଯୋଗଦେଇଥିଲେ।