ଭୁବନେଶ୍ୱର,୧୨।୨: ଦେଶର ଜଣାଶୁଣା ଭିତ୍ତିଭୂମି ଥିଙ୍କ୍ ଟ୍ୟାଙ୍କ୍ ଏବଂ ଭିତ୍ତିଭୂମି ଗବେଷଣା ଅଧ୍ୟୟନ ତାଲିମ ଫାଉଣ୍ଡେଶନ ‘ଫାଷ୍ଟ କନ୍ଷ୍ଟ୍ରକସନ୍ କାଉନସିଲ୍’ ପକ୍ଷରୁ ଜିନ୍ଦଲ ଷ୍ଟିଲ୍ ଆଣ୍ଡ ପାୱାର (ଜେଏସ୍ପି)ର ଅଧ୍ୟକ୍ଷ ନବୀନ ଜିନ୍ଦଲଙ୍କୁ ‘ଚଳିତ ବର୍ଷର ଶ୍ରେଷ୍ଠ ଉଦ୍ୟୋଗୀ’ ସମ୍ମାନରେ ସମ୍ମାନିତ କରାଯାଇଛି। ଏପରିକି ଉକ୍ତ ସଂସ୍ଥା ଜେଏସ୍ପିକୁ ‘ବୃହତ୍ ଶିଳ୍ପ ବର୍ଗ’ରେ ୨ୟ ଦ୍ରୁତତମ ବୃଦ୍ଧି ପାଉଥିବା ଇସ୍ପାତ କମ୍ପାନୀ ଭାବେ ପୁରସ୍କୃତ କରିଛି। ସେହିଭଳି ଜିନ୍ଦଲ ପାନ୍ଥର ଟିଏମ୍ଟି ରିବାରର୍ସକୁ ମଧ୍ୟ ‘ସାର୍ଟିଫିକେଟ୍ ଅଫ୍ ଅଥେନ୍ଟିସିଟି’ ସ୍ବୀକୃତି ପ୍ରଦାନ କରିଥିବା ଜଣାପଡ଼ିଛି। ଉଲ୍ଲେଖଯୋଗ୍ୟ, ଜେଏସ୍ପିର ମୁଖ୍ୟ ମାର୍କେଟିଂ ଅଧିକାରୀ ଏସ୍.କେ. ପ୍ରଧାନ ନବୀନ ଜିନ୍ଦଲ ଏବଂ ତାଙ୍କ କମ୍ପାନୀ ପକ୍ଷରୁ ଉକ୍ତ ସମ୍ମାନ ଗ୍ରହଣ କରିଛନ୍ତି। ଅପରପକ୍ଷରେ ଏସ୍. କେ. ପ୍ରଧାନ ଏହି ପରିପ୍ରେକ୍ଷୀରେ ନବୀନ ଜିନ୍ଦଲଙ୍କ ଠାରୁ ମିଳିଥିବା ବାର୍ତ୍ତା ସମସ୍ତଙ୍କୁ ଶୁଣାଇଥିଲେ। ଉକ୍ତ ବାର୍ତ୍ତାରେ ନବୀନ ଜିନ୍ଦଲ କହିଥିଲେ, ଜେଏସ୍ପି ହେଉଛି ରାଷ୍ଟ୍ର ନିର୍ମାଣ ପାଇଁ ଏକ ଉସତ୍ର୍ଗୀକୃତ କମ୍ପାନୀ ।