ଭୁବନେଶ୍ୱର,୩୦ା୭(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘ଲକ୍ଡାଉନ୍ ଲିରିକ୍ସ’ ପୁସ୍ତକ ଉନ୍ମୋଚନ କରିଛନ୍ତି। ଶ୍ରୀମତୀ ସଂଯୁକ୍ତା ଦାଶଙ୍କ ଦ୍ୱାରା ଲିଖିତ ଏହି ପୁସ୍ତକରେ ପଦ୍ୟ ସଙ୍କଳନ ରହିଛି। କରୋନା ମହାମାରୀ ସମୟରେ ହୋଇଥିବା ସମସ୍ୟା ଓ ସଙ୍କଟକୁ ପଦ୍ୟରେ ନିଜର ଭାଷାରେ ଖୁବ୍ ସୁନ୍ଦର ଭାବରେ ସଜାଇଛନ୍ତି ଲେଖିକା। କରୋନା ମହାମାରୀର ମୁକାବିଲା କରି ପୁଣିଥରେ ଜୀବନ ବଞ୍ଚିବା ସ୍ଥିତିକୁ ନିଜ ପଦ୍ୟ ମାଧ୍ୟମରେ ଲୋକମାନଙ୍କ ପାଖରେ ପହଞ୍ଚାଇବା ପାଇଁ ସେ କବିତା ମାଧ୍ୟମରେ ଚେଷ୍ଟା କରିଛନ୍ତି।
ମୁଖ୍ୟମନ୍ତ୍ରୀ ଏହି ପୁସ୍ତକ ଉନ୍ମୋଚନ କରିବା ସହ ଶ୍ରୀମତୀ ଦାଶଙ୍କ ଏପରି ସୃଜନାତ୍ମକ ଚିନ୍ତାଧାରା ପାଇଁ ବେଶ୍ ପ୍ରଶଂସା କରିଛନ୍ତି। ଏହା ବ୍ୟତୀତ ଲେଖିକାଙ୍କର ଅନ୍ତଃସ୍ବର, ଅମୃତ ଅନ୍ବେଷ ଓ ଅପେକ୍ଷାରେ ଏବେବି ଭଳି ଓଡ଼ିଆ ବହି ତାଙ୍କର ରଚନା ରହିଚି। ନୂଆଦିଲ୍ଲୀ ଦ୍ୱାରା ପ୍ରକାଶିତ ଇଂରାଜୀ ସାହିତ୍ୟରେ ‘ଲକ୍ଡାଉନ୍ ଲିରିକ୍ସ’ ହେଉଛି ତାଙ୍କର ପ୍ରଥମ ପ୍ରୟାସ।