ଭୁବନେଶ୍ୱର,୨୮।୧୨: ଅଦିନିଆ ବର୍ଷା ଯୋଗୁ ମୁଣ୍ଡରେ ହାତ ଦେଇ ବସିଛନ୍ତି ଚାଷୀ। କାହାର ଫସଲ ଉଜୁଡ଼ି ଯାଇଛି ତ କାହାର ଧାନ ପାଣିରେ ଭାସୁଛି। ଏମିତିରେ କ୍ଷୟକ୍ଷତିର ଆକଳନ କରି ଚାଷୀଙ୍କୁ ସହାୟତା ଯୋଗାଇ ଦେବାକୁ ରାଜ୍ୟ ସରକାର ଘୋଷଣା କରିଛନ୍ତି। ଏସବୁ ମଧ୍ୟରେ ବିରୋଧୀ ଦଳ ନେତା ନବୀନ ପଟ୍ଟନାୟକ ନିଜ ବିଧାନସଭା କ୍ଷେତ୍ର ପରିଦର୍ଶନ କରି ଚାଷୀଙ୍କୁ ଭେଟିବେ ବୋଲି ଜଣାପଡ଼ିଛି।
ବର୍ଷାରେ କ୍ଷତିଗ୍ରସ୍ତ ହୋଇଥିବା ଗଞ୍ଜାମ ଜିଲାର ହିଞ୍ଜିଳି, ଶେରଗଡ଼, କବିସର୍ଯ୍ୟନଗରର ଆସିକା, ଖଲ୍ଲିକୋଟ ଆଦି ଅଞ୍ଚଳକୁ ଆସନ୍ତା ୩୦ ତାରିଖରେ ନବୀନ ଗସ୍ତ କରିବେ। ସେ ଚାଷଜମି ବୁଲି ଦେଖିବା ସହ ଚାଷୀଙ୍କୁ ଭେଟିବେ, ଅଧିକାରୀଙ୍କ ସହ ଆଲୋଚନା କରିବେ ବୋଲି ବିଜୁ ଜନତା ଦଳ ପକ୍ଷରୁ ସୂଚନା ଦିଆଯାଇଛି।
ଚାଷୀଙ୍କୁ ଭେଟିବେ ନବୀନ, କ୍ଷେତ ବୁଲିବେ ଓ ଅଧିକାରୀଙ୍କ ସହ ଆଲୋଚନା କରିବେ।
ଅଦିନିଆ ବର୍ଷାରେ କ୍ଷତିଗ୍ରସ୍ତ ହୋଇଥିବା ଗଞ୍ଜାମ ଜିଲ୍ଲା ଗସ୍ତ କରି ସଭାପତି ଶ୍ରୀ @Naveen_Odisha ଚାଷ ଅଞ୍ଚଳ ବୁଲି ଦେଖିବେ।
ଆସନ୍ତା ୩୦ ତାରିଖରେ ସଭାପତି ହିଞ୍ଜିଳି, ଶେରଗଡ଼, କବିସୂର୍ଯ୍ୟନଗରର ଆସିକା ଓ ଖଲ୍ଲିକୋଟ ଆଦି ସ୍ଥାନ ଗସ୍ତ କରିବେ।… pic.twitter.com/qWwFIC5jnA
— Biju Janata Dal (@bjd_odisha) December 28, 2024
