ଚଣ୍ଡିଗଡ, ୧୬।୩: ପଞ୍ଜାବ କଂଗ୍ରେସ କମିଟି ସଭାପତି ନବଜୋତ ସିଂ ସିଦ୍ଧୁ ଆଜି ତାଙ୍କ ପଦରୁ ଇସ୍ତଫା ଦେଇଛନ୍ତି। କଂଗ୍ରେସର ମଧ୍ୟବର୍ତ୍ତୀକାଳୀନ ସଭାପତି ସୋନିଆ ଗାନ୍ଧୀ ପାଞ୍ଚ ରାଜ୍ୟର ଦଳର ମୁଖ୍ୟଙ୍କୁ ବରଖାସ୍ତ କରିବାର ଗୋଟିଏ ଦିନ ପରେ ଦଳର ପଞ୍ଜାବ ମୁଖ୍ୟ ନବଜୋତ ସିଂ ସିଦ୍ଧୁ ଇସ୍ତଫା ଦେଇଛନ୍ତି। କଂଗ୍ରେସ ସଭାପତିଙ୍କ ଇଚ୍ଛାନୁସାରେ ମୁଁ ମୋର ଇସ୍ତଫା ପଠାଇଛି ବୋଲି କହିଛନ୍ତି ସିଦ୍ଧୁ। କଂଗ୍ରେସ ମୁଖପାତ୍ର ରଣଦୀପ ସୁରଜୱାଲା ଗତକାଲି ଟୁଇଟ୍ କରି କହିଛନ୍ତି ଯେ, ରାଜ୍ୟ କଂଗ୍ରେସ ୟୁନିଟର ପୁନର୍ଗଠନକୁ ସୁଗମ କରିବା ପାଇଁ ଏହି ଇସ୍ତଫା ଦାବି କରାଯାଇଛି।