ଚଣ୍ଡିଗଡ଼,୧୨।୫: ଚଳିତ ବର୍ଷ ମାର୍ଚ୍ଚରେ ନବଜୋତ ସିଂ ସିଦ୍ଧୁଙ୍କ ପତ୍ନୀ ଡାକ୍ତର ନବଜୋତ କୌର ସିଦ୍ଧୁ ସୂଚନା ଦେଇଥିଲେ କି ସେ କ୍ୟାନସରର ଦ୍ୱିତୀୟ ଷ୍ଟେଜରେ। ନିଜ ରୋଗ ସମ୍ପର୍କରେ ସୂଚନା ଦେଇ ନବଜୋତ ଏକ ଇମୋଶନାଲ ନୋଟ ଲେଖିଥିଲେ। ସେହି ସମୟରେ ନବଜୋତ ସିଂ ସିଦ୍ଧୁ ଏକ ପୁରୁଣା ମାମଲାରେ ଜେଲରେ ସଜା କାଟୁଥିଲେ। ଏବେ ସିଦ୍ଧୁ ଜେଲରୁ ମୁକୁଳି ସାରିଛନ୍ତି। ଏବେ ସେ ତାଙ୍କ ପତ୍ନୀଙ୍କର ଏକ ଭିଡିଓ ଶେୟାର କରିଛନ୍ତି। ସୂଚନାଯୋଗ୍ୟ, ନବଜୋତ କୌରଙ୍କର ପ୍ରଥମ କେମୋ ଥେରାପି ଶେଷ ହୋଇଛି। ଏହାପରେ ସିଦ୍ଧୁ ତାଙ୍କ ହେଲ୍ଥର ଅପଡେଟ ଦେଇ ଏହି ଭିଡିଓ ଶେୟାର କରିଛନ୍ତି।
ଏହି ଭିଡିଓଟି ଦେଖିବା ପରେ ବହୁ ବଡ ବଡ ନେତା, ସିଦ୍ଧୁଙ୍କ ପ୍ରଶଂସକ ବନ୍ଧୁ, ସାମ୍ବାଦିକ ଆଦି ନବଜୋତ କୌରଙ୍କ ଆଶୁ ଆରୋଗ୍ୟ କାମନା କରିବା ସହ ତାଙ୍କୁ ଏହି ରୋଗ ସହ ଲଢିବାକୁ ଶକ୍ତି ଦିଅନ୍ତୁ ବୋଲି ଲେଖିଛନ୍ତି। ଏହି ଭିଡିଓଟି ଶେୟାର କରି ସିଦ୍ଧୁ ଲେଖିଛନ୍ତି, ରଜା ମେ ରାଜି।
