ବାଲିଗୁଡ଼ା,୧୫।୧୦(ସଞ୍ଜୟ ପାଣିଗ୍ରାହୀ): (୦୩) କନ୍ଧମାଳ ଜିଲା ବାଲିଗୁଡ଼ା ମା’ ପାଟଖଣ୍ଡାଙ୍କ ପୀଠରେ ନବରାତ୍ର ପୂଜା ଆରମ୍ଭ ହୋଇଯାଇଛି। ରବିବାର ସୂର୍ଯ୍ୟପୂଜା ସାଙ୍ଗକୁ ମା’ ଶୈଳପୁତ୍ରୀଙ୍କ ପୂଜା ହୋଇଥିଲା। ପରେ ମୃଣ୍ମୟୀ ଦେବୀଙ୍କ ନବରାତ୍ର ପୂଜା ଆରମ୍ଭ ହୋଇଥିଲା। ମା’ଙ୍କ ଦର୍ଶନ ପାଇଁ ଭକ୍ତଙ୍କ ଜନସମାଗମ ହୋଇଥିଲା। ପୂଜାରେ ପୁରୋହିତ ବିଷ୍ଣୁ ପ୍ରସାଦ ରଥ, ପୁର୍ଣ୍ଣଚନ୍ଦ୍ର ଶତପଥୀ, ରାମକୃର୍ଷ୍ଣ ଆଚାର୍ଯ୍ୟ ଓ ଦେବାଶିଷ ରଥ ରହିଥିବା ବେଳେ କର୍ତ୍ତା ଭାବେ ନାରାୟଣ ପଣ୍ଡା ଓ ତାଙ୍କର ସ୍ତ୍ରୀ ନର୍ମଦା ପଣ୍ଡା ରହି କାର୍ଯ୍ୟ ସମ୍ପାଦନ କରୁଛନ୍ତି। ଆୟୋଜକ ମା’ ପାଟଖଣ୍ଡା ଦୁର୍ଗା ପୂଜା ସମିତିର ସଭାପତି ଲଳିତ ପାତ୍ର, ସମ୍ପାଦକ ଶିବରାମ ପ୍ରଧାନୀ, କୋଷାଦକ୍ଷ ଅଶୋକ ସାହୁ ଓ ଅନ୍ୟ କର୍ମକର୍ତ୍ତା ମା’ଙ୍କ ପୂଜାରେ ସହଯୋଗ କରୁଛନ୍ତି। ସେହିପରି ବରାଳ ଦେବୀ ପୀଠରେ ନବରାତ୍ର ପୂଜା ଆରମ୍ଭ ହୋଇଛି।