ଇସଲାମାବାଦ,୧୧।୧୦: ଚାରି ବର୍ଷର ଆତ୍ମ ନିର୍ବାସନ ପରେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରିଫ ଅକ୍ଟୋବର ୨୧ରେ ପାକିସ୍ତାନରେ ପହଞ୍ଚିବେ। ନୱାଜ ଶରିଫ ଅକ୍ଟୋବର ୨୧ରେ ଏକ ଚାର୍ଟାର୍ଡ ବିମାନରେ ଦୁବାଇରୁ ପାକିସ୍ତାନ ଅଭିମୁଖେ ଯାତ୍ରା କରିବେ। ଯେଉଁ ବିମାନରେ ନୱାଜ ଶରିଫ ପାକିସ୍ତାନ ଯିବେ ସେହି ବିମାନର ନାମ ଉମିଦ-ଇ-ପାକିସ୍ତାନ ରଖାଯାଇଛି। ଜାନୁୟାରୀରେ ହେବାକୁ ଥିବା ସାଧାରଣ ନିର୍ବାଚନରେ ୭୩ ବର୍ଷିୟ ଶରିଫ ପାକିସ୍ତାନ ମୁସଲିମ ଲିଗ-ନୱାଜର ନେତୃତ୍ୱ ନେଇପାରନ୍ତି। ମିଡିଆ ରିପୋର୍ଟ ଅନୁଯାୟୀ, ନୱାଜ ଲଣ୍ଡନ ପୂର୍ବରୁ ସାଉଦି ଆରବ ଯିବେ ବୋଲି ଜଣାପଡିଛି। ତେବେ ନୱାଜ ଶରିଫଙ୍କ ଆଗମନକୁ ନେଇ ତାଙ୍କ ଦଳ କର୍ମୀମାନେ ପାକିସ୍ତାନରେ ସ୍ବାଗତ କରିବା ପାଇଁ ପ୍ରସ୍ତୁତି ଚଳାଇଛନ୍ତି।