ଇସଲାମାବାଦ,୨୦।୮: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଶେହବାଜ ଶରିଫ ରବିବାର ଲଣ୍ଡନ ଗସ୍ତରେ ଆସି ପାକିସ୍ତାନ ମୁସଲିମ ଲିଗ-ନୱାଜ (ପିଏମଏଲ-ଏନ) ସୁପ୍ରିମୋ ନୱାଜ ଶରିଫଙ୍କୁ ଭେଟବାର କାର୍ଯ୍ୟକ୍ରମ ରହିଛି। ଏହି ସୂଚନା ସାମ୍ନାକୁ ଆସିବା ପରେ ନୱାଜଙ୍କ ପାକିସ୍ତାନକୁ ଫେରିବା ନେଇ ଆଲୋଚନା ପୁଣି ଜୋରଦାର ହୋଇଛି।
ଏକ୍ସ(ପୂର୍ବରୁ ଟୁଇଟର) ରେ ସେୟାର କରାଯାଇଥିବା ଏକ ପୋଷ୍ଟରେ ପିଏମଏଲ-ଏନ ନେତା ମରିୟମ ଔରଙ୍ଗଜେବ କହିଛନ୍ତି ଯେ ପିଏମଏଲ-ଏନ ଅଧ୍ୟକ୍ଷ ଲାହୋରରୁ ଲଣ୍ଡନ ଯିବେ ଏବଂ ଲଣ୍ଡନରେ ରହିବା ସମୟରେ ନୱାଜ ଶରିଫଙ୍କୁ ଭେଟିବେ।
ମରିୟମ ଔରଙ୍ଗଜେବ ଲେଖିଛନ୍ତି, ‘ପୂର୍ବତନ ପ୍ରଧାନମନ୍ତ୍ରୀ ତଥା ପାକିସ୍ତାନୀ ମୁସଲିମ ଲିଗର ସଭାପତି ଶେହବାଜ ଶରିଫ ରବିବାର ଲାହୋରରୁ ଲଣ୍ଡନ ଯିବେ। ସେ ଲଣ୍ଡନରେ ରହିବା ସମୟରେ ଶେହବାଜ ସରିଫଙ୍କୁ ମଧ୍ୟ ଭେଟିବେ।’