ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ଅନେକ ମାସ ବିତିଯାଇଛି। ହେଲେ ଆଜି ପର୍ଯ୍ୟନ୍ତ ତାଙ୍କ ମୃତ୍ୟୁ ରହସ୍ୟରୁ ପରଦା ଫିଟି ନାହିଁ। ସୁଶାନ୍ତଙ୍କ ମୃତ୍ୟୁ ପରେ ବଲିଉଡ୍ରେ ଡ୍ରଗ୍ସ କାରବାର ବିଷୟରେ ବଡ଼ ଖୁଲାସା ହୋଇଥିଲା। ଏବେ ଏହି କ୍ଷେତ୍ରରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍ସିବି) କୁ ଏବ ବଡ଼ ସଫଳତା ମିଳିଛି। ଏହି ମାମଲାରେ ଏନ୍ସିବି ୩ ଜଣଙ୍କୁ ଗିରଫ କରିଛି। ଏହି ୩ ଜଣଙ୍କ ମଧ୍ୟରେ ସୁଶାନ୍ତ ସିଂ ରାଜପୁତଙ୍କ ମାମଲାରେ ଗିରଫ ହୋଇଥିବା ଡ୍ରଗ୍ସ ବିକ୍ରେତା ଅନୁଜ କେସଓ୍ବାନୀଙ୍କୁ ଡ୍ରଗ୍ସ ଯୋଗାଉଥିବା ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ସେ ହେଲେ ହେମନ୍ତ ସାହ ଓରଫ୍ ମହାରାଜ। ତାଙ୍କୁ ଗୋଆର ମୀରାମାରରୁ ଗିରଫ କରାଯାଇଥିବା ଜଣାପଡ଼ିଛି।
ଏନ୍ସିବି ମୁମ୍ବାଇ ଏବଂ ଗୋଆ ପୋଲିସ ସହ ମିଶି ପୃଥକ ଅପରେସନରୁ ଏହି ଗିରଫ କରାଯାଇଥିଲା। ମହାରାଜଙ୍କ ସହ ଗିରଫ ହୋଇଥିବା ଅନ୍ୟ ୨ ବ୍ୟକ୍ତି ବିଦେଶୀ ନାଗରିକ ବୋଲି ଜଣାପଡ଼ିଛି। ଏବେ ବି ଏହି ମାମଲାର ତଦନ୍ତ ଚାଲିଛି।