ମୁମ୍ବାଇ,୨ ।୨: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍ସିବି)ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ସହ ଡ୍ରଗ୍ସ ମାମଲା ଯୋଡି ହୋଇଯିବା ପରେ ଯାଞ୍ଚ କଡାକଡି କରିଛି । ଏନ୍ସିବି ଏବେ ସୁଶାନ୍ତଙ୍କ ବନ୍ଧୁ ତଥା ସହାୟକ ନିର୍ଦ୍ଦେଶକ ଋଷିକେଶ ପାୱାରଙ୍କୁ ଅଟକ ରଖିଛି । ଏହାପରେ ଏନ୍ସିବି ଡ୍ରଗ୍ସ ମାମଲାକୁ ନେଇ ତାଙ୍କୁ ପଚରା ଉଚରା କରିବ । ସୂଚନାଯୋଗ୍ୟ, ଗତମାସଠାରୁ ପୋଲିସ ଋଷିକେଶଙ୍କୁ ଖୋଜୁଥିଲା । ଏହା ପୂର୍ବରୁ ମଧ୍ୟ ଏନ୍ସିବି ଋଷିକେଶଙ୍କୁ ପଚରା ଉଚରା କରି ସାରିଛି । ତେବେ ଗିରଫ ଭୟରେ ଋଷିକେଶ ଆଗୁଆ ଜାମିନ ଆବେଦନ କରିଥିଲେ ହେଲେ ତାଙ୍କୁ ଜାମିନ ମିଳି ନ ଥିଲା । ଏହାପରଠାରୁ ଋଷିକେଶ ଫେରାର ଥିଲେ । ଆଲୋଚନା ହେଉଥିଲା କି ଯେଉଁମାନେ ସୁଶାନ୍ତଙ୍କୁ ଡ୍ରଗ୍ସ ଯୋଗାଉଥିଲେ ସେମାନଙ୍କ ମଧ୍ୟରେ ଋଷିକେଶ ସମ୍ପୃକ୍ତ ଥିଲେ ।