ମୁମ୍ବାଇ: ଏନସିପି ନେତା ଅଜିତ ପାୱାର ଭାଜପାରେ ଯୋଗ ଦେବା ନେଇ ରାଜନୀତି ମହଲରେ ଜୋରଦାର ଚର୍ଚ୍ଚା କରାଯାଉଛି। ଏହି ସମୟରେ ଅଜିତ ପାୱାର ତାଙ୍କ ଟୁଇଟର ଆକାଉଣ୍ଟରୁ ଦଳୀୟ ଚିହ୍ନକୁ ହଟାଇ ଦେଇଛନ୍ତି। ଯାହା ପରେ ତାଙ୍କର ଭାଜପାରେ ଯୋଗଦେବା ନେଇ କଳ୍ପନାଜଳ୍ପନା ତୀବ୍ର ହୋଇଛି।
ସୂଚନାଯୋଗ୍ୟ, ଅଜିତ ପାୱାର ପୁଣେରେ ଏନସିପି ସୁପ୍ରିମୋ ଶରଦ ପାୱାର ଏବଂ ଏମ୍ପି ସୁପ୍ରିୟା ସୁଲେଙ୍କ ଏକ ରାଲିରେ ମଧ୍ୟ ଯୋଗ ଦେଇ ନ ଥିଲେ।
ଏହି ସମସ୍ତ ଆଲୋଚନା ମଧ୍ୟରେ ଏନସିପି ମୁଖ୍ୟ ଶରଦ ପାୱାରଙ୍କ ଏକ ବିବୃତ୍ତି ମଧ୍ୟ ସାମ୍ନାକୁ ଆସିଛି। ଅଜିତ ପାୱାରଙ୍କ ଭାଜପାରେ ସାମିଲ ହେବା କଳ୍ପନାଜଳ୍ପନା ମଧ୍ୟରେ ପାୱାର କହିଥିଲେ ଯେ, ଅଜିତ ପାୱାର ନିର୍ବାଚନ ସମ୍ବନ୍ଧୀୟ କାର୍ଯ୍ୟରେ ବ୍ୟସ୍ତ ଅଛନ୍ତି। ଏହି ସବୁ ଚର୍ଚ୍ଚା କେବଳ ଗଣମାଧ୍ୟମରେ ରହିଛି।