ଅଜିତ ପାଓ୍ବାରଙ୍କୁ ସ୍ବାଗତ କରିବାକୁ କ୍ରେନରେ ୪୫ ମିନିଟ ଲଟକି ରହିଲେ ସମର୍ଥକ

ମୁମ୍ବାଇ,୨୭।୮: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଅଜିତ ପାଓ୍ବାର ପ୍ରଥମଥର ଲାଗି ପିମ୍ମରି-ଛିଂଦଓ୍ବାଡା ପହଞ୍ଚିଥିଲେ, ସେଠାରେ ତାଙ୍କ ସମର୍ଥକମାନେ ତାଙ୍କୁ ଜୋରସୋରରେ ସ୍ବାଗତ କରିଥିଲେ। ତାଙ୍କୁ ସ୍ବାଗତ କରିବାକୁ ସମର୍ଥକମାନେ ଅନେକ ପ୍ରସ୍ତୁତି କରିଥିଲେ। ତାଙ୍କ ସମର୍ଥକମାନେ ପିମ୍ମରିରେ ପହଞ୍ଚିବା ପରେ ଏତେ ଉତ୍ସାହିତ ଥିଲେ ଯେ ତାଙ୍କ କାର୍ଯ୍ୟକ୍ରମରେ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ। କେବଳ ଏତିକି ନୁହେଁ, ମଞ୍ଚର ଚାରିପାଖେ ଜେସିବି ପାର୍କିଂ କରିଥିଲେ। ସମର୍ଥକମାନେ ଅଜିତ ପାୱାରଙ୍କୁ ସ୍ବାଗତ କରିବା ପାଇଁ କୌଣସି ଅଭାବ ରଖି ନ ଥିଲେ।
ଅଜିତ ପାୱାରଙ୍କୁ ସ୍ବାଗତ କରୁଥିବାବେଳେ ଜଣେ ସମର୍ଥକ ଏପରି ଷ୍ଟଣ୍ଟ କରି ନିଜର ଖୁସି ବ୍ୟକ୍ତ କରିଥିଲେ ଯେ ସମସ୍ତେ ତାଙ୍କୁ ଦେଖିବା ଆରମ୍ଭ କରିଥିଲେ। ଏହି ସମର୍ଥକ ଅଜିତ ପାୱାରଙ୍କୁ ସ୍ବାଗତ କରିବାକୁ କ୍ରେନରେ ଲଟକି ରହି ଫଉଲମାଳା ପିନ୍ଧାଇଥିଲେ। କେବଳ ଏତିକି ନୁହେଁ, ସେ ଅତି କମରେ ୪୫ ମିନିଟ ପାର୍ଯ୍ୟନ୍ତ ୫୦ ରୁ ୬୦ ଫୁଟ ଉଚ୍ଚରେ ଲଟକି ରହିଥିଲେ।

ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ ସୁନୀଲ ମଦାନ ନାମକ ଏହି ବ୍ୟକ୍ତି ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି)ର କର୍ମୀ। ଯେତେବେଳେ ସେ ପ୍ରଥମ ଥର ପାଇଁ କହିଥିଲେ ଯେ ଅଜିତ ପାୱାରଙ୍କୁ ସ୍ବାଗତ କରିବା ପାଇଁ ସେ ଏହି ଷ୍ଟଣ୍ଟ କରିବାକୁ ଚାହୁଁଛନ୍ତି, ସେତେବେଳେ ଦଳର କର୍ମୀ ତାଙ୍କୁ ମନା କରିଦେଇଥିଲେ। ତେବେ ପରେ ତାଙ୍କୁ ଅନୁମତି ମିଳିଥିଲା। ବରାମାତି କର୍ପୋରେଟ ସାଣ୍ଟୋଶ ଗାଲିଣ୍ଡେଙ୍କ ଅନୁମତି ପାଇବା ପରେ ଏହି ଷ୍ଟଣ୍ଟ ପାଇଁ ପ୍ରସ୍ତୁତି କରାଯାଇଥିଲା।
ସୁନୀଲ ମଦନଙ୍କୁ ୫୦-୬୦ଫୁଟ ଉଚ୍ଚରେ ଏକ କ୍ରେନ ଦ୍ୱାରା ଦଉଡିରେ ଟାଙ୍ଗି ଦିଆଯାଇଥିଲା ଏବଂ ସେ ୪୫ ମିନିଟ ପର୍ଯ୍ୟନ୍ତ ଏହିପରି ଝୁଲି ରହିଥିଲେ। ଏହି ସମୟରେ ସେ ବହୁତ ଖୁସି ଥିଲେ ଏବଂ ଅଜିତ ପାୱାରଙ୍କୁ ସ୍ବାଗତ କରିବାକୁ ଅପେକ୍ଷା କରିଥିଲେ। ଏହା ପରେ ସେ ଅଜିତ ପାୱାରଙ୍କୁ ଫୁଲମାଳ ପିନ୍ଧାଇଥିଲେ।