ନୂଆଦିଲ୍ଲୀ,୭।୨: ନିର୍ବାଚନ ଆୟୋଗଙ୍କଠାରୁ ଶରଦ ପାୱାର ଗୋଷ୍ଠୀ ଏକ ନୂଆ ନାମ ପାଇଛି। ଏଣିକି ଶରଦ ପାୱାର ଦଳ ‘ଏନସିପି- ଶରଦ ଚନ୍ଦ୍ର ପାୱାର’ ନାଁରେ ପରିଚିତ ହେବ। ଏହାପୂର୍ବରୁ ଶରଦ ପାୱାର ଗୋଷ୍ଠୀ ନିର୍ବାଚନ ଆୟୋଗଙ୍କୁ ସେମାନଙ୍କ ଦଳ ପାଇଁ ତିନୋଟି ନାମ ଏବଂ ନିର୍ବାଚନ ପ୍ରତୀକ ପାଇଁ ବିକଳ୍ପ ପରାମର୍ଶ ଦେଇଥିଲେ।
ମଙ୍ଗଳବାର ନିର୍ବାଚନ କମିଶନ ଦୀର୍ଘ ଦିନ ଧରି ଲାଗି ରହିଥିବା ଦାଦା-ପୁତୁରା କଳିର ସମାଧାନ କରିଥିଲେ। ଅଜିତ ପାୱାରଙ୍କ ଏନ୍ସିପି ଗୋଷ୍ଠୀକୁ ଅସଲ ଏନ୍ସିପି ବୋଲି ଘୋଷଣା କରିଥିଲେ ନିର୍ବାଚନ କମିଶନ। କେବଳ ସେତିକି ନୁହେଁ, ଦଳର ନାଁ ଓ ଚିହ୍ନକୁ ମଧ୍ୟ ଅଜିତ ପାୱାରଙ୍କ ଦଳ ଶରଦ ପାୱାରଙ୍କ ଠାରୁ ଛଡାଇ ନେଇଥିଲା। ଏହାପରେ ଏବେ ଶରଦ ପାୱାର ସୁପ୍ରିମକୋର୍ଟର ଦ୍ୱାରସ୍ଥ ହେବେ ବୋଲି ସୂଚନା ମିଳିଛି।
ଶରଦ ପାୱାର ୧୯୯୯ରେ ଏନ୍ସିପି ପ୍ରତିଷ୍ଠା କରିଥିଲେ। ଗତ ବର୍ଷ ଜୁଲାଇରେ ଶରଦ ପାୱାରଙ୍କ ପୁତୁରା ଅଜିତ ପାୱାର ଆଠଟି ଦଳର ବିଧାୟକଙ୍କ ସହ ଏକନାଥ ସିନ୍ଦେ ନେତୃତ୍ୱାଧୀନ ସରକାରରେ ଯୋଗ ଦେଇଥିଲେ।