ଜଗତ୍ସିଂହପୁର ଅଫିସ, ୨୭।୫: ଜଗତ୍ସିଂହପୁର ଜିଲା ଏରସମା ବ୍ଲକ ଅଞ୍ଚଳର ଜପା ପଞ୍ଚାୟତର ଦାଶମଠ ନିକଟ ନଦୀରେ ମଙ୍ଗଳବାର ସନ୍ଧ୍ୟାରେ ୧୦ ଜଣ ଫସି ଯାଇଥିଲେ। ସେମାନେ ମାଛ ଧରିବାକୁ କିମ୍ବା ଚିଙ୍ଗୁଡି ଘେରିରୁ ଫେରୁଥିଲେ। ଡଙ୍ଗା ଓଲଟି ପଡ଼ିବାରୁ ପାଣିରେ ସେମାନେ ଅଟକି ରହିଥିଲେ। ଏ ସମ୍ପର୍କରେ ସେମାନେ ମୋବାଇଲ ଫୋନ୍ ଯୋଗେ ସ୍ଥାନୀୟ ସରପଞ୍ଚଙ୍କୁ ଜଣାଇ ସହାୟତା ମାଗିଥିଲେ। ସରପଞ୍ଚ ଏ ସମ୍ପର୍କରେ ଏରସମା ବିଡିଓ କୈଳାସ ଚନ୍ଦ୍ର ବେହେରାଙ୍କୁ ସୂଚନା ଦେଇଥିଲେ। ବାତ୍ୟା ୟାସ୍ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୂନ୍ୟ ଜୀବନହାନି ଉପରେ ଗୁରୁତ୍ୱ ଦେଇଛନ୍ତି। ତେଣୁ ସେ ଏନ୍ଡିଆର୍ଏଫ୍ ଦଳ ସହାୟତାରେ ତତ୍କାଳ ଫସିଥିବା ଲୋକଙ୍କୁ ଉଦ୍ଧାର ପାଇଁ ବାହାରିଥିଲେ ବୋଲି ବିଡିଓ ବେହେରା ସୂଚନା ଦେଇଛନ୍ତି। ସେ କହିଛନ୍ତି, ତହସିଲଦାର ଓ ଏନ୍ଡିଆର୍ଏଫ୍ ଦଳ ସହ ମିଶି ଏରସମାରୁ ଜପା ପାଖାପାଖି ୨୦ କି.ମି. ପର୍ଯ୍ୟନ୍ତ ଯିବା ପାଇଁ ସମୟ ଲାଗିଥିଲା। ଘଟଣାସ୍ଥଳରେ ପହଞ୍ଚତ୍ଲାବେଳକୁ ଅନ୍ଧାର ହୋଇଯାଇଥିଲା। ସେତେବେଳେ ପ୍ରବଳ ବର୍ଷା ଲାଗି ରହିଥିଲା। ଯେଉଁ ଗାଡ଼ିରେ ପାୱାର ବୋଟ୍ ଯାଇଥିଲା ତାହା ନଦୀ ପର୍ଯ୍ୟନ୍ତ ଯାଇପାରି ନ ଥିଲା। ପରେ ଆଉ ଏକ ଗାଡ଼ି ବ୍ୟବସ୍ଥା କରି ସେଥିରେ ବୋଟ୍ ନିଆଯାଇଥିଲା। ଏହାପରେ ଏନ୍ଡିଆର୍ଏଫ୍ ଦଳ ନଦୀରେ ବୋଟ୍ ପ୍ରସ୍ତୁତ କରି ଫସିଥିବା ଲୋକଙ୍କ ନିକଟରେ ପହଞ୍ଚତ୍ ଉଦ୍ଧାର କରି କୂଳକୁ ଆଣିଥିଲା। ସମସ୍ତେ ସୁରକ୍ଷିତ ଭାବେ କୁଞ୍ଜକୋଠି ନଦୀପାର୍ଶ୍ୱରେ ପହଞ୍ଚତ୍ ଗଁାକୁ ଫେରିଥିଲେ ବୋଲି ବିଡିଓ ସୂଚନା ଦେଇଛନ୍ତି। ଏନ୍ଡିଆର୍ଏଫ୍ ଓ ବିଡିଓଙ୍କ ତ୍ୱରିତ ପଦକ୍ଷେପ ପାଇଁ ୧୦ଜଣଙ୍କ ଜୀବନ ବଞ୍ଚତ୍ଗଲା ବୋଲି ମୁଖ୍ୟମନ୍ତ୍ରୀ ନବୀନ ଟୁଇଟ୍ କରି ପ୍ରଶଂସା କରିଛନ୍ତି।