ନୂଆଦିଲ୍ଲୀ,୨୪।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କୋଲକାତା ଗସ୍ତର ଏକ ଫଟୋକୁ ଫେସବୁକରେ ମାତ୍ର ୨୪ ଘଣ୍ଟା ମଧ୍ୟରେ ମିଳିଛି ୧ ନିୟୁତ ଲାଇକ୍। ସ୍ବାଧିନତା ସଂଗ୍ରାମୀ ସୁଭାଷ ଚନ୍ଦ୍ର ବୋସଙ୍କ ଜୟନ୍ତୀ ପାଳନ ଅବସରରେ ପ୍ରଧାନମନ୍ତ୍ରୀ କୋଲକାତା ଗସ୍ତ କରିଥିଲେ।
‘ନେତାଜୀ ବୋସଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ କୋଲକାତାରେ ପହଞ୍ଚିଛି’ ବୋଲି କ୍ୟାପଶନରେ ଲେଖାଥିବା ଫଟୋକୁ ଗୋଟିଏ ଦିନରେ ୧ ନିୟୁତ ଲାଇକ୍ ମିଳିଛି। ୧୪ ହଜାର ୟୁଜର୍ସ ଶେୟାର କରିଥିବାବେଳେ ୪୭ ହଜାର କମେଣ୍ଟ ହୋଇଛି ଏହି ପୋଷ୍ଟରେ। ପ୍ରଧାନମନ୍ତ୍ରୀ ପ୍ରଥମେ ନେତାଜୀ ଭବନ ଯାଇଥିଲେ। ପରେ ପଶ୍ଚିମ ବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଏକ ମଞ୍ଚରେ ନେତାଜୀଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ।