![](https://www.dharitri.com/wp-content/uploads/2024/02/1312439-ape.webp)
ଯୋଧପୁର,୧୧।୨: ଅଙ୍ଗନୱାଡି ଚାକିରି କରାଇଦେବାକୁ କହି ୨୦ ମହିଳାଙ୍କୁ ଗଣବଳାତ୍କାର ଅଭିଯୋଗ। ରାଜସ୍ଥାନର ସିରୋହି ମ୍ୟୁନିସିପାଲିଟି ପରିଷଦର ଅଧ୍ୟକ୍ଷ ମହେନ୍ଦ୍ର ମେଭଡା ଏବଂ ପୂର୍ବତନ ପୌର ପରିଷଦ କମିଶନର ମହେନ୍ଦ୍ର ଚୌଧୁରୀଙ୍କ ବିରୋଧରେ ଏଭଳି ଗଣବଳାତ୍କାର ମାମଲା ଦାୟର କରାଯାଇଛି।
ପାଲି ଜିଲାର ଜଣେ ମହିଳା ପୋଲିସ ନିକଟରେ ଅଭିଯୋଗ କରିବା ପରେ ଏହି ଘଟଣା ସାମ୍ନାକୁ ଆସିଥିଲା। କିପରି ସେମାନେ ଚାକିରି କରାଇଦେବାର ଲୋଭ ଦେଖାଇ ପ୍ରାୟ ୨୦ ମହିଳାଙ୍କୁ ଗଣବଳାତ୍କାର କରିଛନ୍ତି।
ମହିଳା ଜଣକ ଏହା ମଧ୍ୟ ଦାବି କରିଛନ୍ତି ଯେ ଅଭିଯୁକ୍ତ ଶାରୀରିକ ସମ୍ପର୍କ ରଖିବା ସମୟରେ ଭିଡିଓ ସୁଟିଂ କରିଥିଲେ, ପରେ ସୋସିଆଲ ମିଡିଆରେ ଏହି ଫୁଟେଜ ସେୟାର କରିବାକୁ ଧମକ ଦେଇଥିଲେ ଏବଂ ପୀଡିତାଙ୍କୁ ପାଞ୍ଚ ଲକ୍ଷ ଟଙ୍କା ମାଗି ବ୍ଲାକମେଲ କରିଥିଲେ।
ଅଭିଯୋଗକାରୀଙ୍କ ଅନୁଯାୟୀ, ସେ ଅନ୍ୟ ମହିଳାଙ୍କ ସହ ଅଙ୍ଗନୱାଡିରେ କାମ କରିବାକୁ କିଛି ମାସ ପୂର୍ବରୁ ସିରୋହି ଯାତ୍ରା କରିଥିଲେ। ଏହି ସମୟରେ ସେମାନେ ଅଭିଯୁକ୍ତଙ୍କୁ ଭେଟିଥିଲେ, ଯିଏ ସେମାନଙ୍କୁ ରହିବା ଏବଂ ଖାଇବା ଯୋଗାଇ ଦେଇଥିଲେ।
ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ସେମାନଙ୍କୁ ଦିଆଯାଉଥିବା ଖାଦ୍ୟରେ ସେଡିଟିଭ୍ ରହିଥିଲା, ଯାହା ଖାଇବା ପରେ ସେମାନେ ଗଣବଳାତ୍କାର ଶିକାର ହୋଇଥିଲେ। ତେବେ ଚେତନା ଫେରି ପାଇବା ପରେ ସେମାନେ ଅଭିଯୁକ୍ତଙ୍କ ସହ ମୁହାଁମୁହିଁ ହୋଇଥିଲେ, ଯେଉଁମାନେ ନିଜ ଉଦ୍ଦେଶ୍ୟରେ ସେମାନଙ୍କୁ ପ୍ରତାରଣା କରିଥିବା ସ୍ୱୀକାର କରିଥିଲେ। ଅଭିଯୁକ୍ତମାନେ ମହିଳାମାନଙ୍କୁ ସେମାନଙ୍କ ଦାବି ଆଧାରରେ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିବା ଅଭିଯୋଗ ହୋଇଛି।
ତେବେ ଏହି ଘଟଣାରେ ଡିସିପି ପାରାସ୍ ଚୌଧୁରୀ କହିଛନ୍ତି ଯେ ମହିଳାମାନେ ପୂର୍ବରୁ ମିଥ୍ୟା ଅଭିଯୋଗ କରିଥିଲେ। ତେବେ ରାଜସ୍ଥାନ ହାଇକୋର୍ଟ ବର୍ତ୍ତମାନ ଆଠ ଜଣ ମହିଳାଙ୍କ ଆବେଦନ ପରେ ଏକ ମାମଲା ପଞ୍ଜିକରଣ କରିବାକୁ ନିର୍ଦ୍ଦେଶ ଦେଇଛନ୍ତି।