ଟୋକିଓ ଅଲିମ୍ପିକ୍ସ ୨୦୨୦ରେ ସ୍ବର୍ଣ୍ଣ ପଦକ ଜିତି ଇତିହାସ ରଚିଥିଲେ ଭାରତର ନୀରଜ ଚୋପ୍ରା। ଜାଭେଲିନ୍ ଥ୍ରୋରେ ସେ ପଦକ ଜିତି ଚହଳ ପକାିଥିଲେ। ଏହାପରେ ତାଙ୍କ ବ୍ରାଣ୍ଡ ଭାଲ୍ୟୁ ମଧ୍ୟ ବଢିଯାଇଛି। ଏପରିକି ଫ୍ୟାନ୍ ଫଲୋଇଙ୍ଗ୍ ବୃଦ୍ଧି ପାଇଛି। ଏହି କାରଣରୁ ତାଙ୍କୁ ଅନେକ ବିଜ୍ଞାପନରେ ମଧ୍ୟ ସୁଯୋଗ ମିଳିଛି। ଏବେ ଜଣେ ସେଲିବ୍ରିଟି ଭାବରେ ସେ ନିଜ ଜୀବନ ବିତାଉଛନ୍ତି। ପ୍ରଶଂସକଙ୍କୁ ତାଙ୍କ ଗର୍ଲଫ୍ରେଣ୍ଡ ଏବଂ ବିବାହକୁ ନେଇ ଗୁଗଲ ସର୍ଚ୍ଚ କରୁଛନ୍ତି। ମାତ୍ର ୨୩ ବର୍ଷୀୟ ନୀରଜ କେବେ ବିବାହ କରିବେ ସେନେଇ ଖୁଲାସା କରିଛନ୍ତି। ନିକଟରେ ସେ ଡ୍ୟାନ୍ସ ପ୍ଲସ୍ ୬ ଶୋ’ରେ ନଜର ଆସିବେ। ଏହାର ପ୍ରୋମୋ ଭିଡିଓ ଏବେ ଭାଇରାଲ ହେଉଛି। ଭିଡିଓରେ ଶୋ’କୁ ହୋଷ୍ଟ କରୁଥିବା ରାଘବ ଜୁୟାଲ ନୀରଙ୍କୁ ବିବାହ ପ୍ରଶ୍ନ ପଚାରିଛନ୍ତି। ନୀରଜ ଚୋପାଙ୍କ ସହ ଜାତକ କେମିତି ପଡିବ ମହିଳା ପ୍ରଶଂସକଙ୍କ ପକ୍ଷରୁ ରାଘବ ନୀରଜଙ୍କୁ ପଚାରିଛନ୍ତି। ଏହି ପ୍ରଶ୍ନ ଶୁଣି ନୀରଜ ଲାଜେଇ ଯିବା ସହ କଥା ଏଡାଇ ସେ ଜାଣି ନ ଥିବା କହିଥିଲେ। କଥା ଏତିକିରେ ସରି ନ ଥିଲା ଶୋ’ର ଜଜ୍ ପୁନୀତ ପାଠକ ନୀରଜଙ୍କୁ କହିଥିଲେ, ସବୁ ଝିଅଙ୍କ ପକ୍ଷରୁ ଏକ ପ୍ରଶ୍ନ ପଚାରିବାକୁ ଚାହୁଁଛି, ଆପଣଙ୍କୁ କେମିତି ଝିଅ ପସନ୍ଦ। ଏହି ପ୍ରଶ୍ନର ଉତ୍ତରରେ ନୀରଜ କହିଥିଲେ ଜଣେ ଖେଳାଳି ହୋଇଥିବାରୁ, ମୁଁ ଚାହେଁ ସେ ବି ଜଣେ ଖେଳାଳି ହୋଇଥାନ୍ତୁ। ନିଜ କାମରେ ଫୋକସ ରଖିଥାନ୍ତୁ ଏବଂ ଅନ୍ୟଙ୍କୁ ସମ୍ମାନ ଦେବା ସହ ପରିବାରକୁ ମଧ୍ୟ ସମ୍ମାନ ଦେଉଥିବା ଆବଶ୍ୟକ ବୋଲି ନୀରଜ କହିଛନ୍ତି।