ନୂଆଦିଲ୍ଲୀ,୨୮।୧୦: ଟୋକିଓ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିବା ପରଠାରୁ ଚର୍ଚ୍ଚାରେ ଆଥ୍ଲେଟ ନୀରଜ ଚୋପ୍ରା। ପ୍ରାୟତଃ ତାଙ୍କର ଫଟୋ ଭାଇରାଲ ହେଉଥିବା ବେଳେ ଏବେ ଏକ ଭିଡିଓ ସମସ୍ତଙ୍କ ହୃଦୟ ଜିତୁଛି। ଭିଡିଓରେ ନୀରଜ ଜଣେ ବାଳିକା ସହ କଥା ହେଉଛନ୍ତି।
ଭାଇରାଲ ହେଉଥିବା ୧୭ ସେକେଣ୍ଡର ଭିଡିଓଟି ହରିୟାଣାର ପାନୀପତ ଷ୍ଟାଡିୟମର। ଭିଡିଓରେ ନୀରଜ ଛୋଟ ବାଳିକା ସହ କଥା ହେଉଛନ୍ତି। ସେ ତାଙ୍କୁ କାହାର ନାମ ଖୋଜିବା ପାଇଁ କହୁଛନ୍ତି। ଜବାବରେ କୁନି ବାଳିକାଜଣଙ୍କ ଯାହା କହୁଛନ୍ତି ତାହା ଭାବୁକ କରୁଛି। ସେ କହୁଛନ୍ତି ଆପଣ ହିଁ ମୋର ପ୍ରିୟ। ଏହା ଶୁଣି ନୀରଜ ଖୁସି ହେଉଛନ୍ତି। ପରେ ତାଙ୍କ ସହ ଫଟୋ ଉଠାଉଛନ୍ତି।
ନୀରଜ ଯେଉଁ ସାଧାପଣ ସହ କୁନିବାଳିକା ସହ କଥା ହେଉଛନ୍ତି ତାହାକୁ ଲୋକେ ପ୍ରଶଂସା କରୁଛନ୍ତି। ଆଇପିଏସ ପଙ୍କଜ ଜୈନ ମଧ୍ୟ ଟୁଇଟରରେ ଭିଡିଓକୁ ଶେୟାର କରିଛନ୍ତି। ଭିଡିଓକୁ ଇତି ମଧ୍ୟରେ ୧୯ ହଜାରରୁ ଅଧିକ ଲୋକ ଦେଖିସାରିଥିବା ବେଳେ ୧୪ଶହରୁ ଅଧିକ ଲୋକ ପସନ୍ଦ କରୁଛନ୍ତି।