ଟୋକିଓ ଅଲିମ୍ପିକ୍ସରେ ଜାଭେଲିନ ଥ୍ରୋରେ ସ୍ବର୍ଣ୍ଣ ଜିତିଛନ୍ତି ନୀରଜ ଚୋପ୍ରା। ସ୍ବର୍ଣ୍ଣ ପଦକ ଜିତିବା ପରେ ନୀରଜ ଏକ ଇଣ୍ଟରନେଟ ସେନସେସନ ହୋଇଯାଇଛନ୍ତି। ପ୍ରତ୍ୟେକ ଭାରତୀୟ ନୀରଜଙ୍କ ବିଷୟରେ ସବୁକିଛି ଜାଣିବାକୁ ଇଚ୍ଛୁକ ଅଛନ୍ତି। ସମସ୍ତେ ତାଙ୍କ କ୍ୟାରିୟର, ଖାଦ୍ୟ, ପରିବାର ଏବଂ ପ୍ରେମ ଜୀବନ ବିଷୟରେ ଜାଣିବାକୁ ଚାହାଁନ୍ତି।
ହରିୟାଣାର ପାନିପତର ଖଣ୍ଡରା ଗାଁର କୃଷକ ସତୀଶ କୁମାରଙ୍କ ପୁଅ ନୀରଜଙ୍କଏହି ସଫଳତା ହାସଲ କରିବା ପରେ ସୋସିଆଲ ମିଡିଆରେ ତାଙ୍କ ଫଲୋଅର୍ସ ସଂଖ୍ୟା ମଧ୍ୟ ବଢିବାରେ ଲାଗିଛି। ନିକଟରେ ଏକ ସାକ୍ଷାତକାରରେ ନୀରଜ ଚୋପ୍ରାଙ୍କୁ ତାଙ୍କ ଗର୍ଲଫ୍ରେଣ୍ଡ ବିଷୟରେ ପଚରାଯାଇଥିଲା। ପ୍ରଥମେ ସେ ଏହି ପ୍ରଶ୍ନ ଶୁଣି ଟିକେ ଲାଜେଇ ଯାଇଥିଲେ। ପରେ ସେ କହିଥିଲେ ଯେ, ତାଙ୍କର କୌଣସି ଗର୍ଲଫ୍ରେଣ୍ଡ ନାହିଁ ଏବଂ ଏବେ ତାଙ୍କର ବିବାହ କରିବାର ଉଦ୍ଦେଶ୍ୟ ନାହିଁ। ତାଙ୍କର ସମ୍ପୂର୍ଣ୍ଣ ଧ୍ୟାନ ଏବେ ଖେଳ ଏବଂ ଆଗାମୀ ପ୍ରତିଯୋଗିତା ଉପରେ ଅଛି। ଏହା ବହୁତ ଭଲ କଥା ଯେ ତାଙ୍କୁ ଏତେ ଭଲ ପାଇବା ମିଳୁଛି। ଆସନ୍ତା ବର୍ଷ ଏସୀୟ ଗେମ୍ସ ଏବଂ ବିଶ୍ୱ ଚାମ୍ପିଅନସିପ ଏବଂ ତା’ପରେ ଅଲିମ୍ପିକ୍ସକୁ ନେଇ ଆସୁଥିବା ଅନ୍ୟ ଟୁର୍ନାମେଣ୍ଟ ମୋ ପାଇଁ ଗୁରୁତ୍ୱପୂର୍ଣ୍ଣ । ସେଥିପାଇଁ ସେ ନିଜ ଖେଳ ଉପରେ ସମ୍ପୂର୍ଣ୍ଣ ଧ୍ୟାନ ଦେବାକୁ ଚାହୁଁଛି ବୋଲି ସେ କହିଛନ୍ତି। ତାଙ୍କର ପ୍ରିୟ ଖାଦ୍ୟ ବିଷୟରେ ନୀରଜ କହିଛନ୍ତି ଯେ, ସେ ଗୁପ୍ଚୁପ୍ ଖାଇବାକୁ ଭଲ ପାଆନ୍ତି। ଏହା ବ୍ୟତୀତ ମା’ଙ୍କ ହାତରେ ତିଆରି ଖାଦ୍ୟ ଏବଂ ଚୁର୍ମା ମଧ୍ୟ ପସନ୍ଦ। ଟୋକିଓରୁ ଫେରିବା ପରେ ମୁଁ ଘରକୁ ଯାଇ ମା’ଙ୍କ ଦ୍ୱାରା ପ୍ରସ୍ତୁତ ଖାଦ୍ୟ ଖାଇବାକୁ ଚାହେଁ ବୋଲି ସେ କହିଛନ୍ତି।
