ନୂଆଦିଲ୍ଲୀ,୧୪।୩ : ଛାତ୍ରୀଛାତ୍ରମାନଙ୍କର ଦୀର୍ଘ ପ୍ରତୀକ୍ଷାକୁ ଶେଷ କରି ନ୍ୟାଶନାଲ ବୋର୍ଡ ଅଫ ଏକ୍ସାମ ଇନ୍ ମେଡିକାଲ ସାଇନ୍ସ (ଏନବିଇଏମଏସ) ମଙ୍ଗଳବାର ନିଜ ଅଧିକାରୀକ ସାଇଟରେଏନଇଇଟି ପିଜି ୨୦୨୩ ର ଫଳାଫଳ ପ୍ରକାଶ କରିଛି। ପ୍ରବେଶିକା ପରୀକ୍ଷା ଦେଇଥିବା ଛାତ୍ରୀଛାତ୍ରମାନେ ସେମାନଙ୍କର ଫଳାଫଳକୁ ଏନବିଇଏମଏସର ଅଫିସିଆଲ ୱେବସାଇଟ, natboard.edu.in ର ଲିଙ୍କରେ ସେମାନଙ୍କର ରୋଲ ନମ୍ବର ଯାଞ୍ଚ କରିପାରିବେ।
କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ. ମନସୁଖ ମାଣ୍ଡବ୍ୟ ଟୁଇଟ କରି ଏହି ସୂଚନା ଦେଇଛନ୍ତି।
ଚଳିତ ବର୍ଷ ପ୍ରାୟ ୨.୯ ଲକ୍ଷ ଛାତ୍ରୀଛାତ୍ର ଏନଇଇଟି ପିଜି ପରୀକ୍ଷା ପାଇଁ ପଞ୍ଜୀକୃତ ହୋଇଥିଲେ। ୨୦୨୩-୨୪ ଆଡମିଶନ ଅଧିବେଶନ ପାଇଁ ଏମଡି / ଏମଏସ / ଡିଏନବି / ଡିପ୍ଲୋମା ପାଠ୍ୟକ୍ରମରେ ଆଡମିଶନ ପାଇଁ ଏନଇଇଟି ପିଜି ୨୦୨୩ ମାର୍ଚ୍ଚ ୫ରେ କରାଯାଇଥିଲା।
ପରୀକ୍ଷା ସଫଳତାର ସହ କରି ରେକର୍ଡ ସମୟ ମଧ୍ୟରେ ଫଳାଫଳ ଘୋଷଣା କରି ଏନବିଇଏମଏସ ପୁଣି ଏକ ଗରୁତ୍ୱପୂର୍ଣ୍ଣ କାର୍ଯ୍ୟ କରଥିବାରୁ ମୁଁ ସେମାନଙ୍କ ଉଦ୍ୟମକୁ ପ୍ରଶଂସା କରୁଛି ବୋଲି ସ୍ବାସ୍ଥ୍ୟମନ୍ତ୍ରୀ ଟୁଇଟ କରିଛନ୍ତି।
