ଭୁବନେଶ୍ୱର,୧୦ା୪(ବ୍ୟୁରୋ): ଜାତୀୟ ପରୀକ୍ଷା ଏଜେନ୍ସି(ଏନ୍ଟିଏ) ପକ୍ଷରୁ ନିଟ୍ ୟୁଜି ପ୍ରବେଶିକା ଆସନ୍ତା ମେ’ ୭ରେ ଅନୁଷ୍ଠିତ ହେବ। ଇତିମଧ୍ୟରେ ଆବେଦନ ପ୍ରକ୍ରିୟା ଶେଷ ହୋଇଥିବାବେଳେ ରାଜ୍ୟର ୨୭ଟି ସ୍ଥାନରେ ପରୀକ୍ଷା କେନ୍ଦ୍ର କରାଯାଇଛି। ଅନୁଗୋଳ, ବାଲେଶ୍ୱର, ବ୍ରହ୍ମପୁର, ଭୁବନେଶ୍ୱର, କଟକ, ରାଉରକେଲା, ସମ୍ବଲପୁର, ବଲାଙ୍ଗୀର, ଭବାନିପାଟଣା, କେନ୍ଦୁଝର, ଜୟପୁର, ମାଲକାନଗିରି, ପାରଳାଖେମୁଣ୍ଡି, ଫୁଲବାଣୀ, ରାୟଗଡ଼ା, ପୁରୀ, ବରଗଡ଼, ବାରିପଦା, ଭଦ୍ରକ, ଢ଼େଙ୍କାନାଳ, ଜଗତ୍ସିଂହପୁର, ଯାଜପୁର, ଝାରସୁଗୁଡ଼ା, କେନ୍ଦ୍ରାପଡ଼ା, ନବରଙ୍ଗପୁର, ନୂଆପଡ଼ା ଓ ରାଇରଙ୍ଗପୁର ଆଦି ସ୍ଥାନରେ ପରୀକ୍ଷା କେନ୍ଦ୍ର ହେବା ନେଇ ନିଷ୍ପତ୍ତି ହୋଇଛି। ଗତବର୍ଷ ୧୬ଟି ପରୀକ୍ଷା କେନ୍ଦ୍ରରେ ନିଟ୍ ହୋଇଥିବାବେଳେ ଚଳିତବର୍ଷ ଆଉ ୧୧ଟି କେନ୍ଦ୍ର କରାଯାଇଛି। ତେବେ ନିର୍ଦ୍ଧାରିତ ପରୀକ୍ଷା ସୂଚୀର ସପ୍ତାହକ ପୂର୍ବରୁ www.neet.nta.ac.in ଓ୍ବେବ୍ସାଇଟରେ ପ୍ରବେଶପତ୍ର ଉପଲବ୍ଧ ହେବ ବୋଲି ଏନ୍ଟିଏ ପକ୍ଷରୁ କୁହାଯାଇଛି।