ପାରଳାଖେମୁଣ୍ଡ/କାଶୀନଗର,୨୧।୧୧(ଡି.ଏନ୍.ଏ.): ଗଜପତି ଜିଲା କାଶୀନଗର ବ୍ଲକ ଅଧୀନ କରଟାମ ଗ୍ରାମର ଜଣେ ଗର୍ଭବତୀ ମାଳତୀ କୁମାର ପଟ୍ଟନାୟକ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ମୃତ୍ୟୁ ଘଟିଥିଲା। ଚିକିତ୍ସାର ଅବହେଳା ଯୋଗୁ ମାଳତୀଙ୍କ ମୃତ୍ୟୁ ଘଟିଥିବା ଅଭିଯୋଗ କରି ଗ୍ରାମବାସୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ସମ୍ମୁଖରେ ଅନିଦ୍ଧିଷ୍ଟ କାଳ ପାଇଁ ଧାରଣାରେ ବସିଛନ୍ତି। ମହିଳାଙ୍କ ଦୁଇ ଭାଇ ଶିବ ପ୍ରସାଦ ନାୟକ ଓ ସୁମନ୍ତ କୁମାର ନାୟକ କହିଛନ୍ତି ଯେ, ଗତ ୧୬ରେ ପରିସ୍ରା କରିବାରେ ସମସ୍ୟା ସୃଷ୍ଟି ହେବାରୁ ସେମାନେ ଭଉଣୀକୁ କାଶୀନଗର ମେଡିକାଲାକୁ ଆଣିଥିଲେ। ଚିକିତ୍ସାର ଅବହେଳା ଯୋଗୁ ତାଙ୍କ ଭଉଣୀଙ୍କ ମୃତ୍ୟୁ ଘଟିଛି କେବଳ ଦୋଷ ଲୁଚାଇବା ପାଇଁ ଚିକିତ୍ସା କରିଥିବା ଡାକ୍ତର ଓ ଷ୍ଟାଫ ପରବର୍ତ୍ତୀ ସମୟରେ ଜିଲା ମୁଖ୍ୟ ଚିକିତ୍ସାଲୟକୁ ରେଫର କରିଥିଲେ। ସେଠାରେ ଡା ମାଳତିଙ୍କୁ ମୃତ୍ୟୁ ଘୋଷଣା କରିଥିଲେ। ତେଣୁ ସମ୍ପୃକ୍ତ ଡାକ୍ତରଙ୍କୁ ଆଇନ ଅନୁଯାୟୀ ଦଣ୍ଡିତ କରିବା ସହ ମାଳତୀଙ୍କ ପରିବାରକୁ ୩୦ଲକ୍ଷ ଟଙ୍କା କ୍ଷତି ପୂରଣ ଦିଆଯାଉ ବୋଲି ସେମାନେ ଦାବି ରଖିଛନ୍ତି। ସିଆଳି ସରପଞ୍ଚ ରାମ ପ୍ରସାଦ ପଟ୍ଟନାୟକ ପାରଳାଖେମୁଣ୍ଡିର ସାମାଜିକ କର୍ମୀ ସୁନୀଲ ପଟ୍ଟନାୟକ ସ୍ଥାନୀୟ ମହିଳା କର୍ମୀ କନ୍ୟା କୁମାରୀ ସାହୁ ପ୍ରମୁଖ ଘଟଣାସ୍ଥଳରେ ପହଞ୍ଚତ୍ ଆନ୍ଦୋଳନକାରୀଙ୍କ ଦାବିକୁ ସମର୍ଥନ ଜଣାଇଥିବା ବେଳେ ଡା. ନୟଲ ମାଳତୀଙ୍କ କହିଛନ୍ତି ଯେ, ଚିକିତ୍ସା ଅବହେଳା ଯୋଗୁ ମାଳତିଙ୍କ ମୃତ୍ୟୁ ଘଟିନାହିଁ ବୋଲି କହିଛନ୍ତି।