ବମ୍ବେ: ଅଭିନେତା ହିମାଂଶ କୋହଲିଙ୍କ ଗାୟିକା ନେହା କକ୍କଡଙ୍କ ସହ ସମ୍ପର୍କ କାହାକୁ ବା ଅଛପା। ଦୀର୍ଘଦିନ ଧରି ପରସ୍ପରକୁ ଡେଟ୍ କରିବା ପରେ ଦୁହେଁ ଅଲଗା ହୋଇଥିଲେ। ସେତେବେଳେ ଏହି ବ୍ରେକ୍ଅପ୍ ଖବର ଚର୍ଚ୍ଚାରେ ରହିଥିଲା। ଏହାକୁ କିଛି ବର୍ଷ ବିତିଥିବା ବେଳେ ନେହା ଆଗକୁ ବଢ଼ି ସାରିଛନ୍ତି। ସେ ଗାୟକ ରୋହନପ୍ରିତ ସିଂହଙ୍କ ହାତ ଧରିଛନ୍ତି। ସେହିଭଳି ଏବେ ହିମାଂଶ ମଧ୍ୟ ପ୍ରେମରେ ପଡିଥିବା କୁହାଯାଉଛି। ଲେଡିଲଭଙ୍କ ସହ ତାଙ୍କର ଅନେକ ଫଟୋ ଭାଇରାଲ ହେଉଛି।
ସୋସିଆଲ ମିଡିଆରେ ଭାଇରାଲ ଫଟୋ ଏବଂ ଭିଡିଓରେ ହିମାଂଶ ଖ୍ୟାତନାମା ନୃତ୍ୟଶିଳ୍ପୀ ଏବଂ କୋରିଓଗ୍ରାଫର ଶକ୍ତି ମୋହନଙ୍କ ସହ ବସିଥିବା ଦେଖାଯାଇଛି। ସେମାନେ ରୋମାଣ୍ଟିକ୍ ଡେଟ୍ରେ ଆସିଥିବା ସହଜରେ ଅନୁମାନ କରାଯାଉଛି।
ତେବେ ଶକ୍ତି ମୋହନ ଲୋକପ୍ରିୟ ଗାୟକ ନୀତି ମୋହନଙ୍କ ଭଉଣୀ। ସେ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ଶୋ’ର ବିଜେତା ଥିଲେ। କ୍ୟାରିୟର ବିଷୟରେ କହିଲେ ସେ କିଛି ମ୍ୟୁଜିକ୍ ଭିଡିଓ ସହ ଫିଲ୍ମରେ କାମ କରିଛନ୍ତି।
ଦେଖନ୍ତୁ ଭିଡିଓ, ଫଟୋ: