ମୁମ୍ବାଇ: ବଲିଉଡ୍ ଗାୟିକା ନେହା କକ୍କଡ କିଛି ଦିନ ହେବ ରହୁଛନ୍ତି ଚର୍ଚ୍ଚାରେ । ନିକଟରେ ତାଙ୍କର ନୂଆ ଗୀତ ‘ଖୟାଲ ରଖୟା କର’ ରିଲିଜ୍ ହୋଇଥିବା ବେଳେ ଏଥିରେ ସେ ତାଙ୍କ ସ୍ୱାମୀ ରୋହନପ୍ରୀତଙ୍କ ସହ ନଜର ଆସିଥିଲେ । ଏହାପରେ ସେ ଗର୍ଭବତୀ ଥିବା ଚର୍ଚ୍ଚା ହୋଇଥିଲା । ହେଲେ ସେ ଗୋଟିଏ ଗୀତର ଶୁଟିଂ ପାଇଁ ଏମିତି ମେକଅପ୍ ନେଇଥିବା ଜଣାପଡିଥିଲା । ଏବେ ପୁଣିଥରେ ନେହା ଆସିଛନ୍ତି ଚର୍ଚ୍ଚାକୁ । ସେ ତାଙ୍କ ବଦାନ୍ୟତା ପାଇଁ ବେଳେ ବେଳେ ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିଥିବା ବେଳେ ଏବେ ପୁଣି ଥରେ ତାଙ୍କର ଦରିଆ ଦିଲ୍ ଯୋଗୁ ଆସିଛନ୍ତି ସମସ୍ତଙ୍କ ନଜରକୁ । ପୁଣେର ସଡ଼ ଉପରେ ଜଣେ ବୟୋଜେଷ୍ଠା ମହିଳା ଲାଠିରେ ଖେଳ ଦେଖାଉଥିବା ଶାନ୍ତାବାଇ ପାୱାର ବା ୱାରିୟର ଆଜିଙ୍କୁ ସହଯୋଗର ହାତ ବଢାଇଛନ୍ତି । ସେ ତାଙ୍କୁ ଏକ ଲକ୍ଷ ଟଙ୍କା ଦାନ କରିଥିବା ଜଣାପଡିଛି । ଲକ୍ଡାଉନ ସମୟରେ ୱାରିୟର ଆଜି ନିଜ ପରଫରମାନ୍ସର ଏକ ଭିଡିଓ ସୋସିଆଲ ମିଡିଆରେ ଶେୟାର କରିଥିଲେ । ଯାହା ରାତାରାତି ଇଣ୍ଟରନେଟରେ ଭାଇରାଲ ହୋଇଯାଇଥିଲା । ସେ ମାତ୍ର ୮ ବର୍ଷ ବୟସରୁ ଲାଠି ସାହାଯ୍ୟରେ ଖେଳ ଦେଖାଇ ଆସୁଛନ୍ତି । ଏବେ ପରିଣତ ବୟସରେ ସେ ଏହାକୁ ପେଶା ଭାବେ ନେଇ ପାଖାପାଖି ୧୦ ଜଣ ଅନାଥ କନ୍ୟାଙ୍କ ଦେଖାଶୁଣା କରୁଛନ୍ତି । ଏବେ ବୟସ ବଢିଯାଇଥିବାରୁ ଏହି ଖେଳ ତାଙ୍କ ପାଇଁ ସହଜ ହୋଇ ନ ଥିବା ସେ କହୁଛନ୍ତି । ନିକଟରେ ସେ ‘ଇଣ୍ଡିଆନ ଆଇଡଲ’ ଶୋ’କୁ ଆସିଥିବା ବେଳେ ତାଙ୍କ କାହାଣୀ ଇଣ୍ଡିଆନ ଆଇଡଲର ଜଜ୍ ନେହା କକ୍କଡଙ୍କୁ ପ୍ରଭାବିତ କରିଥିଲା । ପରେ ପରେ ନେହା ତାଙ୍କୁ ଏକ ଲକ୍ଷ ଟଙ୍କା ଦେବେ ବୋଲି ଘୋଷଣା କରିଥିଲେ ।
लठैत दादी की जय हो, कई के पसीने छुड़ा देगी 😀🙏🏻 pic.twitter.com/UpeLpPkirY
— Dadi Chandro Tomar Memorial (@realshooterdadi) July 24, 2020
