ମୁମ୍ବାଇ: ବଲିଉଡ୍ ଗାୟିକା ନେହା କକ୍କଡଙ୍କ ବିବାହକୁ ନେଇ ଏବେ ଚାଲିଛି ଚର୍ଚ୍ଚା । ପୂର୍ବ ପ୍ରେମିକଙ୍କଠାରୁ ଅଲଗା ହେବା ପରେ ଏବେ ନେହା ପଡିଛନ୍ତି ଗାୟକ ରୋହନପ୍ରୀତ ସିଂଙ୍କ ପ୍ରେମରେ । କିଛିଦିନ ତଳେ ନେହା ଏହାକୁ ନେଇ ଇନ୍ଷ୍ଟାଗ୍ରାମରେ ତାଙ୍କ ପ୍ରଶଂସକଙ୍କୁ ଜଣାଇବା ପର ଉଭୟଙ୍କ ରୋକା ସେରିମନିର ଫଟୋ ମଧ୍ୟ ଦେଖିବାକୁ ମିଳିଥିଲା । ହେଲେ ଏମାନେ କେବେ ବିବାହ କରିବେ ତାହ ସ୍ପଷ୍ଟ ହୋଇ ନ ଥିଲା । ଏବେ ଶୁଣିକାବୁ ମିଳିଛି ଦିଲ୍ଲୀରେ ଅକ୍ଟୋବର ୨୪ରେ କୁଆଡେ ନେହା ହାତକୁ ଦିହାତ ହେବେ । ଏ ନେଇ ଉଭୟଙ୍କ ପରିବାର ପକ୍ଷରୁ କୌଣସି ସୂଚନା ଦିଆଯାଇ ନାହିଁ । ପଞ୍ଜାବର ବୋହୂ ହେବାକୁ ଯାଉଥିବା ନେହା ନିକଟରେ ରୋହନପ୍ରୀତଙ୍କ ସହ ଫଟୋ ଶେୟାର କରି ଲେଖିଥିଲେ, ୟୁ ଆର୍ ମାଇନ୍ । ଆଉ ଏହାପରେ ରୋହନପ୍ରୀତ ମଧ୍ୟ ଏକ ଫଟୋ ଶେୟାର କରି ଏହାର ଜବାବରେ ଲେଖିଥିଲେ, ମିଟ୍ ମାଇଁ ଜିନ୍ଦେଗି । ଏଥିରୁ ସ୍ପଷ୍ଟ ହୋଇଥିଲା କି ଉଭୟ ବିବାହ କରିବାକୁ ସ୍ଥିର କରି ସାରିଛନ୍ତି । ନେହା ନିକଟରେ ରୋହନପ୍ରୀତଙ୍କ ମାତାପିତାଙ୍କ ସହ ଏକ ଫଟୋରେ ମଧ୍ୟ ନଜର ଆସିଥିଲେ । ସୂଚନାଯୋଗ୍ୟ, ରୋହନପ୍ରୀତ ୨୦୦୭ରେ ଟେଲିଭିଜନ ରିୟଲିଟି ଶୋ’ ସାରେଗାମାରେ ଦ୍ୱିତୀୟ ସ୍ଥାନ ହାସଲ କରିଥିଲା । ଏହାସହ ସେ ରାଇଜିଂ ଷ୍ଟାର-୨ରେ ମଧ୍ୟ ଭାଗ ନେଇ ସାରିଛନ୍ତି । ମିଳିଥିବା ସୂଚନାରୁ ଜଣାପଡିଛି କିଛିମାସ ତଳେ ରୋହନପ୍ରୀତ ପଟିଆଲାରେ ନେହାଙ୍କ ସହ ଗୀତ ‘ଡାଇମଣ୍ଡ ଦା ଛଲ୍ଲେ’ ର ଶୁଟିଂ ପରଠାରୁ ପରସ୍ପରର ନିକଟତର ହୋଇଥିଲେ ।