ମୁମ୍ବାଇ: ବଲିଉଡ୍ର ପପୁଲାର ଗାୟିକା ନେହା କକ୍କଡ ନିକଟରେ ପଞ୍ଜାବୀ ଗାୟକ ରୋହନପ୍ରିତ ସିଂହଙ୍କୁ ବିବାହ କରିଛନ୍ତି। ବିବାହ ପରେ ନେହା ଏବେ କାମ ଆରମ୍ଭ କରିଦେଇଛନ୍ତି। ଖୁବ୍ଶୀଘ୍ର ସେ ଇଣ୍ଡିଆନ ଆଇଡଲ୍-୧୨ରେ ନଜର ଆସିବେ। ବିବାହ ପରେ କାମ ଆରମ୍ଭ କରି କିପରି ଅନୁଭବ ହେଉଛି ସେନେଇ ନେହା ପ୍ରତିକ୍ରିୟା ରଖିଛନ୍ତି। ବିବାହ ପରେ ଜୀବନ ଆହୁରି ସୁନ୍ଦରମୟ ହୋଇଯାଇଛି ବୋଲି ସେ କହିଛନ୍ତି। ଯଦି ତୁମର ଜୀବନସାଥୀ ଭଲ ବ୍ୟକ୍ତି ହେବା ସହ ଭଲ ବୁଝାମଣା ଓ ସପୋର୍ଟିଂ ହୋଇଥିବ ତାହେଲେ ବିବାହ ପରେ କାର୍ଯ୍ୟ କରିବାରେ କୌଣସି ବାଧା ସୃଷ୍ଟି ହେବ ନାହିଁ। ସେ ରୋହନଙ୍କ ସହ ବେଶ୍ ଖୁସିରେ ଅଛନ୍ତି ବୋଲି ନେହା ଏକ ଭର୍ଚୁଆଲ ଖବରଦାତା ସମ୍ମିଳନୀରେ କହିଛନ୍ତି।